17 قىركۇيەك, 15:56 434 0 الەۋمەت انار لەپەسوۆا

ەلوردالىق قارتتارعا مەرەكەگە وراي ءبىر رەتتىك تولەم بەرىلەدى

1 قازان كۇنى قازاقستاندا قارتتار كۇنى مەرەكەسى اتالىپ وتەدى. اتالمىش كۇنگە وراي جىل سايىن جاسى بويىنشا زەينەتكە شىققان ەلوردالىقتارعا اكىمدىك ءبىر رەتتىك اقشالاي تولەم بەرەدى. بيىلعى جىلى بۇل سومما 6313 تەڭگەنى قۇراپ وتىر. بۇل تۋرالى قالالىق اكىمدىكتىڭ سايتىندا حابارلاندى. 

«نۇر-سۇلتان قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى 25 قىركۇيەكتەن باستاپ 1 قازانعا دەيىن 2,5 ايلىق ەسەپتىك كورسەتكىش – 6313 تەڭگە كولەمىندە تولەم تولەيدى. اتالعان تولەم جاسىنا بايلانىستى زەينەتكەرلەرگە (زەينەتاقى جاسى ايەلدەر ءۇشىن – 58 جاس، ەرلەر ءۇشىن – 63 جىل) ەسەپتەلگەن. بۇعان دەيىن بۇل كومەك ەڭ تومەن مولشەردەگى زەينەتاقى الۋشىلارعا 30 تامىز قر كونستيتۋتسياسى كۇنىنە وراي كورسەتىلگەن بولاتىن»، - دەلىنگەن اقپاراتتا.

باسقارما قىزمەت ەتۋ تۋرالى كەلىسىمشارتقا تۇرعان كەلەسى بانكتەردە شوتتارى بار زەينەتكەرلەرگە عانا اتالمىش تولەمدى كەدەرگىسىز جىبەرە الادى. ولاردىڭ قاتارىندا: الفا بانك، اتف بانك، تسەنتركرەديت بانكى، ەۋرازيالىق بانك، Jýsan Bank (تسەسنابانك), Halyk Bank, نۇربانك، سبەربانك، ForteBank  جانە قازپوشتا بار. باسقا بانكتە شوتتارى بار ازاماتتار اتالعان بانكتەردىڭ بىرىنەن شوت اشۋى كەرەك.

سوڭعى جاڭالىقتار