16 قىركۇيەك, 11:26 392 0 جاھان انار لەپەسوۆا

اق ءۇي حامزا بەن لادەننىڭ ولتىرىلگەنىن راستادى

«ءال-قايدا»لاڭكەستىك ۇيىمىنىڭ نەگىزىن قالاۋشى ۋساما بەن لادەننىڭ ۇلى حامزا بەن لادەن اقش-تىڭ جۇرگىزگەن ارنايى وپەراتسيالارى بارىسىندا ءولتىرىلدى. بۇقارالىق اقپارات قۇرالدارىندا تاراعان بۇل اقپاراتتى اق ءۇي راستادى.

«ءال-قايدا»* جەتەكشىلىگىنە كىرەتىن حامزا بەن لادەن پاكىستان مەن اۋعانستان شەكاراسىنا جاقىن اۋماقتا ولتىرىلگەن. وپەراتسيانىڭ قاشان، قايدا جانە قالاي بولعاندىعى تۋرالى حابار جوق.

اق ءۇي جاريالاعان مالىمدەمەدە حامزا بەن لادەننىڭ ءولتىرىلۋى «ءال-قايدانىڭ»* جەتەكشى پوزيتسياسىن السىرەتىپ قانا قويماي، لاڭكەستىك ۇيىمنىڭ وزگە دە لاڭكەستىك توپتارمەن بايلانىسىنا كەدەرگى كەلتىرەتىنى جازىلعان.

وسى جىلى اقش مەملەكەتتىك دەپارتامەنتى حامزا بەن لادەن تۋرالى اقپارات بەرەتىن ادامعا ميلليون دوللار كولەمىندە سىياقى تاعايىندايتىندارىن حابارلاعان ەدى. ول بولسا، اقش پەن ونىڭ وداقتاستارىنا شابۋىل جاساۋعا شاقىرىپ، عالامتورعا اۋديوجازبالار مەن بەينەماتەريالدار جۇكتەدى. ۋساما بەن لادەندى رەسمي ۆاشينگتون 2001 جىلى اقش تاريحىندا بولعان ەڭ ءىرى لاڭكەستىك ارەكەتكە ايىپتى دەپ سانايدى. «ءال-قايدا»* باسشىسى 2011 جىلى پاكىستاندا ءولتىرىلدى.

سوڭعى جاڭالىقتار