16 قىركۇيەك, 11:21 429 0 ەكونوميكا انار لەپەسوۆا

8 ايدا قازاقستاندىقتارعا 1,5 ترلن تەڭگە كولەمىندە زەينەتاقى تولەندى

جىل باسىنان رەسپۋبليكالىق بيۋدجەتتەن بازالىق زەينەتاقى تولەۋگە شامامەن 470 ملرد تەڭگە، ىنتىماقتى زەينەتاقى تولەمدەرىنە 1 ترلن 30 ملرد تەڭگەگە جۋىق قاراجات باعىتتالعان. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى. 

2019 جىلعى 1 قىركۇيەكتەگى جاعداي بويىنشا بازالىق زەينەتاقى تولەمدەرىن الۋشىلار 2 ملن 171 مىڭ 200 ادام، ىنتىماقتى زەينەتاقى تولەمدەرىن شامامەن 2 ملن 190 مىڭ 100 ادام الادى.

زەينەتاقى تولەمدەرىنىڭ ورتاشا مولشەرى 2019 جىلعى 1 قىركۇيەكتە 85 مىڭ 679 تەڭگەنى قۇرادى. بۇل الدىڭعى جىلعى كەزەڭمەن سالىستىرعاندا 5,5%-عا جوعارى.

8 ايدىڭ قورىتىندىسى بويىنشا زەينەتكەرلەردىڭ سانى 2 ميلليون 190 مىڭ ادامدى قۇرادى، ونىڭ ىشىندە 2019 جىلى شامامەن 43 مىڭ ازامات زەينەتكەرلەر قاتارىن تولىقتىردى.

سوڭعى جاڭالىقتار