12 قىركۇيەك, 09:37 345 0 جاڭالىقتار Túrkistan Gazeti

قازاقستاننىڭ بەس قالاسىندا اۋا ساپاسى ناشارلايدى

12 قىركۇيەك كۇنى قازاقستاننىڭ بەس قالاسىندا قولايسىز مەتەورولوگيالىق جاعداي قالىپتاسىپ، اۋانىڭ لاستانۋى كۇتىلەدى دەپ حابارلايدى قازاقپارات.

اقتوبە، قاراعاندى، نۇر-سۇلتان، پاۆلودار قالالارىندا جانە اتىراۋدا تۇندە جايسىز مەتەوجاعداي قالىپتاسادى.

قازگيدرومەتتىڭ مالىمەتىنشە، اقتاۋ، قىزىلوردا، كوكشەتاۋ، پەتروپاۆل، تالدىقورعان، تاراز، ورال، شىمكەنت قالالارىندا مەتەوجاعداي قولايلى بولادى دەپ كۇتىلەدى.

قولايسىز مەتەورولوگيالىق جاعدايلار - اتموسفەرالىق اۋانىڭ بەتكى قاباتىندا زياندى (لاستاۋشى) زاتتاردىڭ شوعىرلانۋىنا ىقپال ەتەتىن قىسقامەرزىمدى مەتەوفاكتورلاردىڭ (تىمىق اۋا رايى، جەڭىل جەل، تۇمان، ينۆەرسيا) جيىنتىعى. قمج جاعدايىندا ەلدى مەكەندەردەگى اتموسفەرالىق اۋانىڭ ساپاسى ناشارلاۋى ىقتيمال.

تەگتەر اۋا ساپاسى

سوڭعى جاڭالىقتار