13 قىركۇيەك, 10:44 467 0 الەۋمەت انار لەپەسوۆا

قاراشادا الماتىلىق جاستارعا جەڭىلدىكپەن جالدامالى پاتەرلەر بەرىلە باستايدى

بيىلعى جىلدىڭ قاراشا ايىنان باستاپ الماتىلىق جاستار جالعا تۇرعىن ءۇي الا الادى.  

قالا اكىمشىلىگىنىڭ تۇرعىن ءۇي ساياساتى باسقارماسىنىڭ ماماندارىنىڭ ايتۋىنشا،  29 جاسقا دەيىنگى جۇمىس ىستەپ جۇرگەن جاستارعا ساتىپ الۋ قۇقىعىنسىز الاتاۋ اۋدانىنا قاراستى كوكقاينار جانە سايالى-2 ىقشام اۋدانىندا بوي كوتەرگەن جاڭا ۇيلەردەن 5 جىلعا باسپانا الاتىن مۇمكىندىك بار. بۇل باعدارلامانىڭ تيىمدىلىگى سول، جاستار ارزان باعاعا پاتەر جالداپ، بەس جىلدا ءوز باسپاناسىنا قارجى جيناۋعا مۇمكىندىگى بولادى دەيدى ماماندار.

جوسپارعا سايكەس ءبىر بولمەلى 249 پاتەردىڭ كىلتى قازان ايىنىڭ سوڭىندا تابىستالادى. ءوتىنىش بەرۋشىلەر قالادا تىركەۋدە بولۋى شارت جانە باسپاناسى بولماۋى ءتيىس. قۇجاتتاردى قابىلداۋ 23 قىركۇيەكتەن باستالىپ، 6 قازانعا دەيىن جالعاسادى.

ايبەك سايدىلداەۆ، قالالىق تۇرعىن ءۇي ساياساتى باسقارماسى باستىعىنىڭ مىندەتىن اتقارۋشى:

– ءوتىنىش بەرۋشىگە قاجەتتى قۇجتتاردى ايتار بولسام: جەكە جانە نەكە كۋالىگىنىڭ، سونداي-اق بالالارىنىڭ تۋ تۋرالى كۋالىگى مەن ديپلوم كوشىرمەسىن، جىلجىمايتىن مۇلكى جوقتىعىن، جۇمىس ىستەيتىندىگىن راستايتىن جانە سوڭعى التى اي ىشىندەگى تابىسى كورسەتىلگەن انىقتاما الۋى قاجەت. كىرىسى 101 مىڭ تەڭگەدەن كەم بولماۋى ءتيىس. سونىمەن قاتار بانك شوتىنىڭ بولۋى ەسكەرىلەدى، ونداعى اقشانىڭ سومماسى ءارى قانشا جانە قالاي قارجى سالىناتىندىعى دا نازارعا الىنادى.

سوڭعى جاڭالىقتار