12 قىركۇيەك, 12:16 309 0 رۋحانيات انار لەپەسوۆا

بيبىگۇل تولەگەنوۆانىڭ 90 جىلدىعىنا وراي حالىقارالىق ءان بايقاۋ وتەدى

الماتىدا كسرو جانە قازاقستاننىڭ حالىق ءارتىسى، سوتسياليستىك ەڭبەك ەرى بيبىگۇل تولەگەنوۆانىڭ 90 جىلدىعىنا وراي ءان بايقاۋى وتەدى. حالىقارالىق سايىستا الەمنىڭ 10 ەلىنەن 56 ءانشى باق سىناماق.

قاتىسۋشىلاردىڭ ونەرىن فرانتسيا، رەسەي، يتاليا، چەحيا سىندى ەلدەردەن كەلگەن قازىلار القاسى باعالايدى. وعان قازاقتىڭ بۇلبۇلى بيبىگۇل تولەگەنوۆا توراعالىق ەتەدى. ۇزدىك ورىنداۋشىنى انىقتايتىن مۋزىكالىق دودا 14 قىركۇيەكتە باستالادى. سايىس قازاق حالقىنىڭ ماقتانىشى، كۇمىس كومەي ءانشىنىڭ 90 جىلدىق مەرەيتويىنا وراي ۇيىمداستىرىلىپ وتىر.

«14 قىركۇيەكتەن باستاپ سايىسكەرلەر كەلەدى. 15 قىركۇيەكتە جەرەبە تاستالادى. جىل سايىن وسى قازاقستاندا بولعاننان كەيىن ۇلتتىق ناقىشتاعى كادەسىي قويامىز. ءبىرىنشى رەت «التىن ادام» بولدى، حالىقارالىق كورمەدە 2017 جىلى كورمەنىڭ سيمۆولىن بەردىك. ەندى التىن اسىق بەردىك»، – دەدى كسرو جانە قازاقستاننىڭ حالىق ءارتيسى بيبىگۇل تولەگەنوۆا.

سوڭعى جاڭالىقتار