11 قىركۇيەك, 20:09 481 0 جاڭالىقتار Túrkistan Gazeti

قازاقستان تاياۋ شىعىستاعى وزەكتى ماسەلەلەردى بەيبىت جولمەن شەشۋدى جاقتايدى

پارلامەنت سەناتىنىڭ توراعاسى داريعا نازارباەۆا پالەستينانىڭ قازاقستانداعى ەلشىسى مونتاسەر ابۋ زەيدتى قابىلدادى. بۇل تۋرالى سەناتتىڭ ءباسپاسوز قىزمەتى حابارلادى.

ديپلومات پارلامەنتتىڭ جوعارعى پالاتاسىنىڭ توراعاسى قىزمەتىنە سايلانۋعا بايلانىستى سەنات باسشىسىنا پالەستينا ۇلتتىق كەڭەسىنىڭ قۇتتىقتاۋىن جەتكىزدى جانە وعان الداعى ۋاقىتتاعى قىزمەتى تابىستى بولۋىنا تىلەكتەستىگىن ءبىلدىردى.

د.نازارباەۆا «قازاقستان تاۋەلسىزدىكتىڭ العاشقى كۇنىنەن باستاپ تاياۋ شىعىستاعى وزەكتى ماسەلەلەردى بەيبىت جولمەن شەشۋدى جاقتاپ كەلەدى جانە پالەستينانى الەۋمەتتىك-ەكونوميكالىق تۇرعىدا تەزىرەك وڭالتۋعا باعىتتالعان حالىقارالىق قوعامداستىقتىڭ گۋمانيتارلىق اكتسيالارىن قولدايدى»، - اتاپ ءوتتى.

ەلشى حالىقارالىق كۇن تارتىبىندەگى نەگىزگى ماسەلەلەر بويىنشا قولداۋلارى مەن ىنتىماقتاستىق ءۇشىن العىسىن ءبىلدىردى.

م.ابۋ زەيد ساۋدا-ەكونوميكا ىنتىماقتاستىعىن دامىتۋ تۋرالى ايتا كەلىپ، قازاقستان مەن ورتالىق ازياداعى ەڭ بيىك عيمارات بولاتىن كوپ سالالى «ابۋ-دابي پلازا» كەشەنىنىڭ قۇرىلىسى تۋرالى حاباردار ەتتى. قازىرگە دەيىن 76 قاباتى سالىندى، قازان ايىنىڭ سوڭىندا «Sheraton» قوناق ءۇيى پايدالانۋعا بەرىلەتىن بولادى.

تاراپتار ينۆەستيتسيالىق ىنتىماقتاستىقتى كەڭەيتۋ، پالەستينا ازاماتتارى ءۇشىن ۆيزا ءتارتىبىن جەڭىلدەتۋ مۇمكىندىكتەرىن، سونداي-اق «تەڭىز» مۇناي كەن ورنىنداعى قاقتىعىستى تالقىلادى. ماسەلەلەردى پىسىقتاۋ ءۇشىن مەكەمەارالىق كوميسسيا قۇرىلدى. سەنات توراعاسى شەتەلدىك ازاماتتاردىڭ قازاقستان زاڭناماسىن ساقتاۋى، سونداي-اق قازاق حالقىنىڭ ۇلتتىق سالت-داستۇرلەرىن قۇرمەتتەۋى قاجەتتىگىن اتاپ ءوتتى.

سوڭعى جاڭالىقتار