11 قىركۇيەك, 10:53 237 0 جاڭالىقتار Túrkistan Gazeti

سوڭعى 8 ايدا كومىر ءوندىرىسى 3 پايىزعا تومەندەدى

بۇل تۋرالى بۇگىن ۇكىمەت وتىرىسىندا قر ۇلتتىق ەكونوميكا ءمينيسترى رۋسلان دالەنوۆ ايتتى.

«ونەركاسىپ ءوندىرىسى اعىمداعى جىلعى 8 ايدا 3,2 پايىزعا دەيىن جىلدامدادى. ءوسۋ قارقىندارى بويىنشا وڭدەۋ ونەركاسىبى كەن ءوندىرۋ ونەركاسىبىنەن وزىق. وڭدەۋ ونەركاسىبىندە ماشينا جاساۋدا، جەڭىل ونەركاسىپتە، سۋسىندار وندىرۋدە، فارماتسەۆتيكادا ەكى ءماندى ۇلعايۋ بايقالدى. كەن ءوندىرۋ ونەركاسىبىندە ءوسۋ قارقىنى 3,1 پايىزعا دەيىن ۇدەدى. نەگىزىنەن مەتالل كەنىن جانە مۇناي ءوندىرۋدى ۇلعايتۋ ەسەبىنەن. كومىر ءوندىرۋ بويىنشا جاعداي ايتارلىقتاي جاعىمدى ەمەس. وسى جىلعى قاڭتار-تامىزدا ءوندىرىس كولەمىنىڭ قىسقارۋى جالعاستى. تومەندەۋ 3 پايىزدى قۇرادى»، - دەدى رۋسلان  دالەنوۆ.

ونىڭ اتاپ وتۋىنشە، قۇرىلىس سەكتورى تۇراقتى قارقىنمەن دامىپ كەلەدى. ورىندالعان جۇمىستاردىڭ كولەمى 11,8 پايىزعا ءوستى. ونەركاسىپ نىساندارىن، اۆتوموبيل جولدارىن، گاز قۇبىرلارىن  سالۋ جۇمىستارى ۇلعايدى. سونداي-اق، ءىرى زاۋىتتاردا قۇرىلىس-مونتاجداۋ جۇمىستارى ارتتى.

«اۋىل شارۋاشىلىعىندا ءوندىرىس كولەمى 3,6 پايىزعا ۇلعايدى. وسىمدىك شارۋاشىلىعى 3,9 پايىزعا، مال شارۋاشىلىعى 3,5 پايىزعا ءوستى. اعىمداعى جىلعى 31 تامىزداعى جاعداي بويىنشا ءداندى داقىلدار سەبۋ الاڭدارىنىڭ 29,8 پايىزى جينالدى. ونىمدىلىك گەكتارىنا 11,5  تسەنتنەردى قۇرادى»، - دەدى مينيستر.

تەگتەر كومىر

سوڭعى جاڭالىقتار