10 قىركۇيەك, 17:21 160 0 جاڭالىقتار Túrkistan Gazeti

ءال-فارابي تۋرالى فيلم تۇسىرىلەدى

پارلامەنت سەناتىنىڭ دەپۋتاتى ءالىمجان قۇرتاەۆ «ءال-فارابي ىزدەرىمەن» اتتى رەسپۋبليكالىق عىلىمي-زەرتتەۋ ەكسپەديتسياسىنىڭ قۇرامىندا تۇركيا، ليۆان جانە سيريا ەلدەرىندە ساپاردا بولدى. بۇل تۋرالى سەناتتىڭ ءباسپاسوز قىزمەتى حابارلادى.

«رۋحاني جاڭعىرۋ» باعدارلاماسى جانە ەلباسىنىڭ «ۇلى دالانىڭ جەتى قىرى» اتتى ماقالاسىنا وراي جۇزەگە اساتىن شارالار بويىنشا 2020 جىلى شىعىستىڭ ۇلى ويشىلى ءال-ءفارابيدىڭ 1150 جىلدىعىن يۋنەسكو اياسىندا اتاپ ءوتۋ جوسپارلانعان بولاتىن.

قازاق ۇلتتىق ۋنيۆەرسيتەتى عۇلاما عالىمنىڭ 1150 جىلدىعىنا دايىندىق اياسىندا مەدياكومپانيالارمەن بىرلەسە وتىرىپ، ءال-ءفارابيدىڭ ءومىرى مەن قىزمەتىنە ارنالعان بىرنەشە دەرەكتى فيلم ءتۇسىرۋدى قولعا الدى. قازىرگى كەزدە ءال-فارابي تۋرالى «ۇستازدىڭ ورالۋى» ءتورتىنشى دەرەكتى ءفيلمى بويىنشا جۇمىستار اتقارىلۋدا. ءبىزدىڭ ەلىمىزدىڭ فارابيتانۋشى جەتەكشى عالىمدارى، قوعام جانە مادەنيەت قايراتكەرلەرى قۇرامىنا ەنگەن ارنايى عىلىمي-زەرتتەۋ ەكسپەديتسياسى «ءال-فارابي ىزدەرىمەن» ءفيلمىن ءتۇسىرۋ ماقساتىندا كينو ءتۇسىرۋ جۇمىستارىن باستاپ كەتتى.

وڭتۇستىك قازاقستان وبلىسىنداعى وتىرار اۋدانىنىڭ اكىمى بولعان كەزدە تاريحي-ولكەتانۋ مۇراجايىنىڭ قۇرىلىسىن سالۋعا، ءال-ءفارابيدىڭ ەسكەرتكىشىن اشۋعا جانە ەجەلگى وتىرارداعى ارحەلوگيالىق قازبا جۇمىستارىن جانداندىرۋعا ىقپال ەتكەن پارلامەنت سەناتىنىڭ دەپۋتاتى ءالىمجان قۇرتاەۆ ەكسپەديتسيا قۇرامىنا ەنگەن بولاتىن.

سوڭعى جاڭالىقتار