9 قىركۇيەك, 20:53 148 0 جاڭالىقتار Túrkistan Gazeti

قازاقستاندا لاتىن گرافيكاسىندا جالپىحالىقتىق ديكتانت وتەدى

10 قىركۇيەك كۇنى ەلىمىزدىڭ بارلىق وڭىرىندە لاتىن گرافيكاسى نەگىزىندە جالپىقازاقستاندىق ديكتانت وتەدى. بۇل تۋرالى قازاقستان حالقى اسسامبلەياسىنان ءمالىم ەتتى.

ديكتانت بارلىق وبلىس، قالا جانە اۋداندىق كىتاپحانالار مەن جوو-لاردا ءبىر مەزگىلدە، ياعني ساعات 11.00-دە باستالادى. ەلوردادا اكتسيا قر ۇلتتىق اكادەميالىق كىتاپحاناسىندا (دوستىق كوشەسى، 11) وتەدى.

«2019 jyl – Jastar jyly» اتالاتىن شارانىڭ ماقساتى – ەتنوسارالىق كوممۋنيكاتسيا ءتىلى رەتىندە مەملەكەتتىك ءتىلدىڭ ماڭىزىن نىعايتۋ.

«وعان قحا توراعاسىنىڭ ورىنباسارى – حاتشىلىق مەڭگەرۋشىسى جانسەيىت تۇيمەباەۆ، قر پارلامەنتى ءماجىلىسىنىڭ دەپۋتاتتارى، قحا مۇشەلەرى، مەملەكەتتىك ورگاندار مەن ەتنومادەني بىرلەستىكتەردىڭ وكىلدەرى، قحا جاستار قاناتى، مەملەكەتتىك جانە قوعام قايراتكەرلەرى، ستۋدەنتتەر قاتىسادى»، - دەدى قازاقستان حالقى اسسامبلەياسىنىڭ ءباسپاسوز قىزمەتىنەن.

سوڭعى جاڭالىقتار