11 قىركۇيەك, 12:48 308 0 جاھان انار لەپەسوۆا

بولتون قىزمەتىنەن كەتتى

دونالد ترامپ ۇلتتىق قاۋىپسىزدىك بويىنشا كەڭەسشىسى دجون بولتوندى قىزمەتىنەن بوساتتى. بۇل تۋرالى اق ءۇي باسشىسى تۆيتتەردەگى پاراقشاسىنا جازدى.

«كەشە كەشكىسىن مەن دجون بولتونعا اق ۇيدە ونىڭ قىزمەتى قاجەت ەمەس ەكەنىن ايتتىم. مەن اكىمشىلىكتەگى باسقا ادامدار سەكىلدى ونىڭ كەڭەسىنە كەلىسپەدىم، سول سەبەپتەن ونىڭ قىزمەتىنەن كەتۋىن ءوتىندىم. ول ماعان ارىزىن تاڭەرتەڭ بەردى» - دەپ جازدى ترامپ.

امەريكالىق ليدەر ۇلتتىق قاۋىپسىزدىك بويىنشا جاڭا كەڭەسشىسىنىڭ اتى-ءجونى الداعى اپتادا جاريالايتىنىن مالىمدەدى. ازىرگە بولتوندى قىزمەتتەن الۋىنا نە سەبەپ بولعانى بەلگىسىز.

دجون بولتون اقش پرەزيدەنتىنىڭ ۇلتتىق قاۋىپسىزدىك بويىنشا كەڭەسشىسى قىزمەتىنە 2018 جىلدىڭ ناۋرىز ايىندا تاعايىندالعان. ول جاقىندا شىعىس ەۋروپا ەلدەرىنە بارىپ، ۋكراينا مەن بەلارۋستىڭ پرەزيدەنتتەرىمەن كەزدەسكەن. سونىمەن بىرگە پولشانىڭ قاۋىپسىزدىك كەڭەسى توراعاسىمەن جولىققان.

سوڭعى جاڭالىقتار