11 قىركۇيەك, 11:18 343 0 ساياسات انار لەپەسوۆا

پرەزيدەنت قىتايعا نە ءۇشىن باردى؟

قازاقستان پرەزيدەنتى قاسىم-جومارت توقاەۆتىڭ قحر-عا مەملەكەتتىك ساپارى باستالدى، دەپ حابارلادى مەملەكەت باسشىسىنىڭ ءباسپاسوز حاتشىسى بەرىك ءۋالي.

"قازاقستان پرەزيدەنتى قىتاي حالىق رەسپۋبليكاسىنا مەملەكەتتىك ساپارمەن كەلدى. قاسىم-جومارت توقاەۆ پەكيندە قازاقستان-قىتاي ىسكەرلىك كەڭەسىنىڭ 6-وتىرىسىنىڭ اشىلۋىنا قاتىسادى جانە قىتاي قوعامدىق عىلىمدار اكادەمياسىندا ءدارىس وقۋى جوسپارلانعان", - دەپ جازدى ءۋالي Facebook پاراقشاسىندا.

ءباسپاسوز حاتشىسىنىڭ ايتۋىنشا، توقاەۆ قحر توراعاسى سي تسزينپينمەن، قحر مەملەكەتتىك كەڭەسىنىڭ پرەمەرى لي كەتسيانمەن جانە قىتايدىڭ بىرقاتار ساياسي جانە ىسكەرلىك توبىمەن كەلىسسوز وتكىزەدى.

سونداي-اق، پرەزيدەنت قىتايعا جاساعان ەكى كۇندىك ساپارىنىڭ اياسىندا حانچجوۋ قالاسىنا دا بارىپ، يننوۆاتسيالىق ونىمدەردى الەمدىك نارىققا شىعارۋ بويىنشا كوشباسشى Hikvision كومپانياسىنىڭ جۇمىسىمەن تانىسادى.

سونىمەن قاتار باعدارلاما بويىنشا Alibaba كومپانياسىنىڭ كەڭسەسىنە بارىپ، دجەك مامەن كەزدەسۋ جوسپارلانعان.

 

 

سوڭعى جاڭالىقتار