11 قىركۇيەك, 11:01 275 0 جاھان انار لەپەسوۆا

جاپون ۇكىمەتى وتستاۆكاعا كەتتى

بۇگىن تاڭەرتەڭ جاپونيا ۇكىمەتى وتستاۆكاعا كەتتى. بۇل تۋرالى كيودو اگەنتتىگى حابارلادى.  

پرەمەر-مينيستر سيندزو ابە كابينەت مۇشەلەرىنىڭ وتستاۆكا تۋرالى وتىنىشتەرىن قابىلدادى. بۇعان شىلدە ايىندا پارلامەنتتىڭ جوعارعى پالاتاسىنا سايلاۋدا پارتيانىڭ جەڭىسكە جەتۋىنەن كەيىن جانە قازان ايىنا جوسپارلانعان تۇتىنۋشى سالىعىن 10 پايىزعا قىمباتتاتۋدىڭ الدىندا ۇكىمەت قۇرامىنىڭ وزگەرۋى سەبەپ بولدى.

وتكەن جىلدىڭ قازان ايىندا ۇكىمەتتە ورىن العان وزگەرىستەر بارىسىندا كوپتەگەن مينيسترلەر ورىندارىن ساقتاپ قالسا، قازىر تەك ۇكىمەت حاتشىسى يوسيحيدە سۋگا جانە قارجى ءمينيسترى تارو اسو قالاتىن بولادى.

ەكى مينيستر، جاپونيادا ايتىلاتىنداي، «كولدەنەڭ بويىنشا» اۋىسادى. ءسىم باسشىسى تارو كونو ەكونوميكا ءمينيسترى اتانسا، سىرتقى ىستەر مينيسترلىگىن بۇگىنگى تاڭداعى ەكونوميكانى قايتا قالپىنا كەلتىرۋ ءىسى جونىندەگى مينيستر توسيميتسۋ موتەگي الماستىراتىن بولادى. بۇرىنعى كابينەتتىڭ كەزىندە مينيستر لاۋازىمدارىن اتقارعان تاعى دا ەكى ادام ۇكىمەتكە قايتا ورالادى، ال قالعان 13 ادام العاش رەت كابينەت قۇرامىنا كىرمەك. سارسەنبى كۇنى كەشكە ەل يمپەراتورىنىڭ جاڭا مينيسترلەر كابينەتىن بەكىتۋ ءراسىمى وتەدى. تۇستەن كەيىن ۇكىمەتتىڭ جاڭا قۇرامى بەلگىلى بولادى.

سوڭعى جاڭالىقتار