11 قىركۇيەك, 10:33 390 0 الەۋمەت انار لەپەسوۆا

اۋرۋحانادا شەتىنەگەن ءسابيدىڭ اناسى دارىگەرلەردى ايىپتادى

تۇركىستان وبلىسىنداعى تەمىرلان ەلدىمەكەنىندە 3 ايلىق بالا اۋرۋحانادا جاتىپ، شەتىنەدى. تۋىستارى نارەستەنىڭ ولىمىنە دارىگەرلەر كىنالى دەيدى. سۋىق تيگىزىپ، سىرقاتتانعان سابيگە اق حالاتتىلار ەم-دوم جاساۋ تۇگىلى، دۇرىس دياگنوز دا قويا المادى دەپ ايىپتاپ وتىر. ءۇش ايلىق دىنمۇحامەدتىڭ تۋىستارى اۋرۋحانا باسشىلىعىنا شاعىمدارىن «31 ارنا» ارقىلى جەتكىزدى.  

شەتىنەگەن ءسابيدىڭ اناسى باۋىر ەتى بالاسىنان كوز جازىپ قالعانىنا سەنە الماستان ەسىن جيا الماي ءجۇر. دىنمۇحامەد ايگەرىمنىڭ ءۇشىنشى ۇلى ەكەن. ول دارىگەرلەر دەن قويىپ جازا المادى دەپ اشۋلى.

«اۋىرىپ جاتقانىنا قانشا ۋاقىت بولدى. بىراق قارامايدى. قالانىڭ اۋرۋحاناسىنا جىبەر دەسەم، ول جاققا دا جىبەرمەدى. ايتپەسە بالامنىڭ جاعدايى قيىن ەكەنىن مەن كورىپ تۇرمىن»، – دەيدى سابيىنەن ايرىلىپ قالعان انا.

اناسىنىڭ ايتۋىنشا، ءسابي تامىز ايىنىڭ باسىندا سۋىق تيگىزگەن. سودان بەرى ىستىعى ءجيى كوتەرىلىپ، اۋرۋحانانىڭ تابالدىرىعىن توزدىرىپتى. ال سوڭعى كەزدە جاعدايى ناشارلاپ، جان ساقتاۋ بولىمىندە جاتقان نارەستەگە اق حالاتتىلار مۇلدە نازار سالمادى دەپ وتىر تۋىستارى.

اۋرۋحانا باسشىلىعىنىڭ ايتۋىنشا، ءتيىستى ەم جاسالعان. ءسابي ءولىمى ءۇشىن كەشىرىم سۇراعان ول قولدان كەلگەننىڭ بارلىعىن ىسيەلىك دەپ وتىر. دەگەنمەن باس دارىگەردىڭ ايتقان قۇجاتتارىن تۋىستارى ساعاتتاپ توسىپ، ءمايىتتى وبلىستىق ساراپتاماعا الىپ كەتتى. ويتكەنى ول اۋداندىق اۋرۋحانا جانىنداعى مايىتحاناعا سەنىمسىزدىك ءبىلدىرىپ وتىر.

سوڭعى جاڭالىقتار