10 قىركۇيەك, 16:19 196 0 جاڭالىقتار Túrkistan Gazeti

ءۇندىستان ستۋدەنتتەرىنىڭ سەمەيدەن العان ديپلومدارى جارامسىز بولىپ شىقتى

سەمەي قالاسىنداعى مەديتسينا ۋنيۆەرسيتەتىن تامامداعان شەتەلدىك ستۋدەنتتەردىڭ ديپلومى ءوز ەلدەرىنە بارعان كەزدە جۇمىسقا ورنالاسۋعا جارامسىز بولىپ شىققان. بۇل تۋرالى التاينيۋس ءتىلشىسى حابارلادى.

سەمەي مەملەكەتتىك مەديتسينا ۋنيۆەرسيتەتىندە ءبىلىم الىپ، وتاندارىنا ورالعان ۇندىستاندىق جاستار جۇمىسقا ورنالاسا الماۋدا. سەبەبى جوعارى وقۋ ورنىن تامامداعان 79 تۇلەكتىڭ ديپلومداعى اتى-جوندەرى دۇرىس جازىلماعان. ياعني بىلدەي ءبىر ۋنيۆەرسيتەت قاراپايىم ورفوگرافيالىق قاتەلىككە جول بەرىپ وتىر. وسىعان قايران قالعان ايماق باسشىسى دانيال احمەتوۆ اتالمىش ۋنيۆەرسيتەت رەكتورى ەرسىن جۇنىسوۆكە سوگىس بەردى.

– ۋنيۆەرسيتەت قىزمەتكەرلەرىنىڭ جاۋاپسىزدىعىنان شەتەلدىك جاستار شاراسىز كۇيگە ءتۇسىپ وتىر. ەندى ولاردىڭ نە ىستەيتىنىن اڭدىپ وتىرۋدىڭ قاجەتى جوق. دەرەۋ ىسكە كوشىپ، ولقىلىقتىڭ ورنىن تولتىرىڭدار. قاجەت بولسا، تۇلەكتەردى قايتا شاقىرىپ الىپ، ديپلومدارىن تۇزەتىپ، قولدارىنا بەرىڭدەر، – دەدى دانيال كەنجەتايۇلىنا «نۇر وتان» پارتياسى جەرگىلىكتى فيليالى ساياسي كەڭەس بيۋروسىنىڭ وتىرىسىندا.

سوڭعى جاڭالىقتار