10 قىركۇيەك, 11:15 388 0 ىشكى ساياسات دينارا مىڭجاسارقىزى

ەربولات دوساەۆ: ەكسپورتتىڭ ۇلعايۋى باعانى كوتەردى

قازاقستان رەسپۋبليكاسىنىڭ ۇلتتىق بانك توراعاسى ەربولات دوساەۆتىڭ قاتىسۋىمەن وتكەن ءباسپاسوز ءماسليحاتىندا بازالىق مولشەرلەمەنى كوتەرۋ تۋرالى، سونداي-اق، ينفلياتسيا دەڭگەيى مەن ازىق-تۇلىك باعاسىنىڭ تۇراقتىلىعى جايىندا كەڭىنەن ءسوز بولدى.

ونىڭ ايتۋىنشا، بيىلعى جىلدىڭ تامىز ايىندا جىلدىق ينفلياتسيا 5,5 پايىزدىق دەڭگەيدى ۇستاپ تۇرعان. ياعني، تۇتىنۋشىلىق سۇرانىستىڭ ارتۋى مۇنىڭ ءارى قاراي دا (5,7-5-8 پايىزعا) وسۋىنە اكەلۋى مۇمكىن. ال 2020 جىلى ينفلياتسيا باياۋلاپ، 4,6 پايىزدىق دەڭگەيدە بولادى دەگەن بولجام بار. بۇل تۇرعىدا قۇرىلى
الايدا، ۇلتتىق بانك توراعاسى ەلىمىزدەگى ازىق-تۇلىك باعاسىنىڭ قىمباتتاۋىنا ەكسپورتتىڭ ۇلعايۋى سەبەپ دەيدى. 2018 جىلدىڭ جەلتوقسانىنششدا 5,1 پايىز بولسا، باعانىڭ جىلدىق ءوسۋى 9 پايىزدى قۇرادى. دەمەك، سىرتقى سۇرانىستىڭ ارتىپ، ىشكى ۇسىنىستىڭ تومەندەۋى بارىسىندا ەت، نان-توقاش ونىمدەرى مەن جارمانىڭ باعاسى ءوستى. ال كازىق-تۇلىككە جاتپايتىن تاۋارلانر باعاسى جىلدىق كورسەتكىش بويىنشا 5,7 پايىزدىق قالىپتى ءوسۋ قارقىنىن ۇستاپ وتىر (2018 جىلعى جەلتوقساندا 6,4 پايىز بولعان).

ۇلتىق بانك توراعاسى ەربولات اسقاربەكۇلى حالىق اراسىندا جۇرگىزىلگەن ساۋالناما بويىنشا، رەسپوندەنتتەردىڭ 60 پايىزى الداعى ءبىر جىل ىشىندە ينفلياتسيانىڭ اعىمداعى دەڭگەيىنىڭ ساقتالۋىن نەمەسە تومەندەۋىن كۇتەدى. ولار الداعى 12 ايدا ينفلياتسيا 5,3 دەڭگەيىندە بولادى دەپ باعالاۋدا.
ۇلتتى بانكتىڭ باعالاۋى بويىنشا، 2019 جىلى قازاقستاننىڭ ەكونوميكالىق ءوسۋى 3,8 پايىز. بۇل كورسەتكىش ەكونوميكانىڭ ءبىرشاما باياۋلاعانىن كورسەتسە، 2020 جىلى سالىستىرمالى جوعارى – 3,5 پايىز بولادى دەپ بولجانعان.
سونداي-اق، بيىل مۇناي باعاسى ءبىرشاما تومەندەدى. جىل باسىنان بەرى باعانىڭ ورتاشا دەڭگەيى BRENT ماركالى مۇنايدىڭ ءبىر باررەلى ءۇشىن 65 اقش دوللارى بولدى. ال بىلتىر 72 اقش دوللارىن قۇراعان. سوڭعى ايدا مۇناي باعاسى قۇبىلمالى بولىپ تۇر. بيىل شىلدەنىڭ ورتاسىنان باستاپ مۇنايدىڭ الەمدىك باعاسى اقش-تا سۇرانىستىڭ ازايۋىنا جانە ءوندىرۋ كولەمىنىڭ ارتۋىنا بايلانىستى قۇلدىراي باستادى. بۇل الەمدىك مۇناي قورىنىڭ وسۋىنە الىپ كەلەدى.

تاعى ءبىر ايتا كەتەرلىگى، ۇلتتىق بانك توراعاسى ەربولات دوساەۆ ەكى جىلدان كەيىن، ياعني، قازاقستان تاۋەلسىزدىگىنىڭ 30 جىلدىعىنا وراي ۇلتتىق بانكتىڭ دە ەلوردا تورىنە كوشەتىندىگىن ايتتى. «بۇل تاقىرىپ بىرنەشە جىلدان بەرى تالقىلانىپ كەلەدى. بانكتىڭ نۇر-سۇلتان قالاسىنا قونىس اۋداراتىن مەرزىمىنە قاتىستى مەملەكەت باسشىسى شەشىم شىعاردى. ۇلتتىق بانكتى قايتا قۇرۋ كەزىندە دەربەس ورتالىق مەملەكەتتىك ينستيتۋت رەتىندە ءبولىنىپ شىعاتىن، پرەزيدەنتكە تىكەلەي باعىنىشتى بولاتىن قارجىلىق نارىقتى رەتتەۋ مەن دامىتۋ اگەنتتىگى الماتىدا قالادى دەپ ايتا الامىن. قارجىلىق نارىقتىڭ دامۋىنا جاۋاپ بەرەتىن تاريحي ستاتۋسى بار رەتتەۋشى قارجىلىق ينستيتۋتتارعا جاقىن بولعانى دۇرىس. الماتىنىڭ قارجىلىق ورتالىق رەتىندە مارتەبەسى جوعالمايتىنىنا سەنىمدىمىن»، – دەدى ەربولات دوساەۆ.

سوڭعى جاڭالىقتار