10 قىركۇيەك, 10:27 205 0 جاھان انار لەپەسوۆا

اقش رەسەيدەگى تىڭشىسىن قايتارىپ الدى

اقش 2017 جىلى رەسەيدىڭ ۇكىمەت اپپاراتىندا جۇمىس ىستەيتىن تىڭشىسىن جاسىرىن الىپ كەتكەن. بۇل تۋرالى دونالد ترامپ اكىمشىلىگىندەگى دەرەككوزىنە سىلتەمە جاساپ CNN حابارلادى.

دەرەككوزدىڭ سوزىنشە، ونى الىپ شىعۋ جونىندە شەشىم شىعارعاندار قۇپيا مالىمەتتەرمەن جۇمىس ىستەۋدە ترامپ اينالاسىنداعى ادامداردىڭ كاسىبيلىگىنە كۇمان كەلتىرگەن. وعان نەگىز بولعان قۇپيا قۇجاتتارمەن جۇمىس ىستەۋدە بىرنەشە رەت ولقىلىقتار ورىن العانى سەبەپ بولعان، دەپ حابارلايدى CNN. بۇل رەسەي بيلىگى دالىزىندەگى امەريكالىق تىڭشىنىڭ ومىرىنە قاۋىپ تۋعىزعان.

تىڭشىنى الىپ شىعۋ تۋرالى شەشىم 2017 جىلدىڭ مامىر ايىندا قابىلدانعان. سول كەزدە ترامپ رەسەي سىرتقى ىستەر ءمينيسترى سەرگەي لاۆروۆپەن جانە اقش-تاعى رەسەي ەلشىسى بولعان سەرگەي كيسلياكپەن قۇپيا اقپاراتتار جونىندە تالقىلاعان.

ول كەزدە ورتالىق بارلاۋ باسقارماسىنىڭ ديرەكتورى مايك پومپەو بولعان. ترامپ اكىمشىلىگىندە رەسمي ادامدارمەن اڭگىمە بارىسىندا پومپەو ماسكەۋدەن الىنعان كوپ اقپاراتتى تالقىلاۋ قاجەتتىگىنە كۇمان كەلتىرگەن. وسىدان كەيىن ونى تەز ارادا الىپ شىعۋعا ءماجبۇر بولعان.

اقش مەملەكەتتىك حاتشى وكىلى پىكىر بىلدىرۋدەن باس تارتتى. اق ءۇي ءباسپاسوز حاتشىسى ستەفاني گريشام "CNN ماتەريالى قاتە عانا ەمەس، ول ادام ومىرىنە ۇلكەن قاۋىپ كەلتىرۋى مۇمكىن" دەپ مالىمدەدى.

سوڭعى جاڭالىقتار