9 قىركۇيەك, 17:04 210 0 جاڭالىقتار Túrkistan Gazeti

اينۇر باعداتقىزى «حالىقارالىق باعدارلامالار ورتالىعىنىڭ» پرەزيدەنتى بولىپ تاعايىندالدى

ءبىلىم جانە عىلىم ۆيتسە-ءمينيسترى رۋستەم بيعاري «حالىقارالىق باعدارلامالار ورتالىعى» اق ۇجىمىنا جاڭا باسشىنى تانىستىردى. بۇل تۋرالى bolashak.gov.kz حابارلادى.

حالىقارالىق باعدارلامالار ورتالىعىنىڭ جاڭا پرەزيدەنتى بولىپ اينۇر باعداتقىزى كارىبوزوۆا تاعايىندالدى.

1978 جىلى تۋعان. ءال فارابي اتىنداعى قازاق ۇلتتىق ۋنيۆەرسيتەتى مەن قازاقستان رەسپۋبليكاسى سىرتقى ىستەر مينيسترلىگىنىڭ ديپلوماتيالىق اكادەمياسىن «حالىقارالىق قاتىناستار» ماماندىعى بويىنشا تامامداعان. «بولاشاق» حالىقارالىق باعدارلاماسىنىڭ شەڭبەرىندە لوندون ەكونوميكا مەكتەبىنىڭ «مەملەكەتتىك باسقارۋ جانە مەنەدجمەنت» ماماندىعى بويىنشا ماگيستراتۋراسىن بىتىرگەن.
2000–2019 جىلدار ارالىعىندا قر سىرتقى ىستەر مينيسترلىگىنىڭ كونسۋلدىق قىزمەت دەپارتامەنتى، اقپارات جانە تالداۋ باسقارماسى، قازاقستاننىڭ وڭتۇستىك كورەيا جانە ۇلىبريتانياداعى ەلشىلىكتەرىندە قىزمەت ەتىپ، «حالىقارالىق باعدارلامالار ورتالىعى» اكتسيونەرلىك قوعامى وقىتۋدى ۇيىمداستىرۋ جانە مونيتورينگ دەپارتامەنتىنىڭ ديرەكتورى، «KazakhInvest» اق جانە «ۇلتتىق اۋدارما بيۋروسى» قوعامدىق قورىنىڭ ۇلىبريتانياداعى وكىلدىكتەرىنىڭ باسشىسى لاۋازىمدارىن اتقارعان. ءبىرىنشى سىنىپتى ءبىرىنشى حاتشى ديپلوماتيالىق دارەجەسى بار.

سوڭعى جاڭالىقتار