9 قىركۇيەك, 15:11 194 0 جاڭالىقتار Túrkistan Gazeti

پرەزيدەنت «ۇلتتىق نەيروحيرۋرگيا ورتالىعى» اق باسقارماسىنىڭ توراعاسى سەرىك اقشولاقوۆتى قابىلدادى

كەزدەسۋ بارىسىندا قازاقستان پرەزيدەنتىنە ورتالىقتىڭ سوڭعى 10 جىلدا اتقارعان جۇمىستارىنىڭ ناتيجەلەرى مەن ونى دامىتۋدىڭ كەلەشەگى جونىندە باياندالدى. بۇل تۋرالى اقوردانىڭ ءباسپاسوز قىزمەتى حابارلادى.

اتاپ ايتقاندا، سەرىك اقشولاقوۆ قاسىم-جومارت توقاەۆقا ورتالىقتا ميكرونەيروحيرۋرگيا، ەندوۆاسكۋليارلىق، ەندوسكوپيالىق، فۋنكتسيونالدى نەيروحيرۋرگيا سياقتى جاڭا باعىتتاردىڭ پايدا بولعانى تۋرالى ايتتى.

سونىمەن قاتار ول مەكەمە بازاسىندا اسا كۇردەلى نەيروحيرۋرگيالىق وتالار جاساۋعا مۇمكىندىك بەرەتىن ورتالىق ازيادا العاشقى «گامما-نوج» كەشەنىنىڭ ىسكە قوسىلاتىنى جونىندە حابارلادى.

مەملەكەت باسشىسى ەلىمىزدىڭ بارلىق ءوڭىرىن قامتۋعا ءتيىس جوعارى بىلىكتى ءارى قولجەتىمدى مەديتسينالىق كومەك كورسەتۋدىڭ ماڭىزدى ەكەنىن اتاپ ءوتتى.

سوڭعى جاڭالىقتار