9 قىركۇيەك 2019, 14:28 450 0 ءوندىرىس ءTúrkىstan International Political Weekly

قىتايلىق ءىرى كومپانيانىڭ جەلىسى قازاقستاندا اشىلۋى مۇمكىن

قازاقستاندا الەمدەگى ەڭ ءىرى Alibaba ەلەكتروندى ساۋدا كومپانياسىنىڭ جەلىسى اشىلۋى مۇمكىن. بۇل جايىندا بۇگىن قر ساۋدا جانە ينتەگراتسيا ءمينيسترى باقىت سۇلتانوۆ ايتتى.

«ءبىزدىڭ  مينيسترلىكتىڭ نەگىزى باعىتتارىنىڭ ءبىرى ەلەكتروندى ساۋدانى دامىتۋ بولماق. بۇل باعىتتا ۇلكەن جۇمىس اتقارىپ جاتىرمىز. تاياۋداعى ماسكەۋگە ساپارىم بارىسىندا رەسەيدەگى №1 جەلى –Wildberries-پەن كەلىسىمگە قول قويدىق. ولار بىزگە، قازاقستاندا  ەلەكتروندى ساۋدانى دامىتۋعا كومەكتەسەدى»، - دەدى ول ۆەدومستۆونىڭ مەملەكەت باسشىسىنىڭ تاياۋداعى جولداۋىنىڭ نەگىزگى باعىتتارىن تۇسىندىرۋگە ارنالعان القا وتىرىسىندا.

سونىمەن قاتار مينيستر مەملەكەت باسشىسى قاسىم-جومارت توقاەۆتىڭ 11-12 قىركۇيەكتەگى قىتايعا ساپارى بارىسىندا  Alibaba جۇيەسىمەن تانىسۋ جوسپارلانىپ وتىرعاندىعىن ايتتى.

«مەملەكەت باسشىسىنىڭ تاياۋ كۇندەردەگى قىتاي حالىق رەسپۋبليكاسىنا ساپار اياسىندا Alibaba جۇيەسىمەن تانىسۋ جوسپارلانىپ وتىر. ىنتىماقتاستىق جانە وسى جەردە مەنشىكتى جەلىسىن دامىتۋ، ەلەكتروندى ساۋدا جۇيەسىندە وتاندىق تاۋارلاردى ىلگەرىلەتۋ ماسەلەسىن تالقىلايمىز»، - دەدى باقىت سۇلتانوۆ.

 

سوڭعى جاڭالىقتار