9 قىركۇيەك, 10:55 232 0 ىشكى ساياسات دينارا مىڭجاسارقىزى

105 ملن توننا مۇناي قاشان وندىرىلەدى؟

2025 جىلى قازاقستاندا جىل سايىنعى مۇناي ءوندىرۋ كولەمى 105 ملن تونناعا جەتەدى. ەنەرگەتيكا ءمينيسترى قانات بوزىمباەۆ قازاقستان مۇنايىنىڭ 120 جىلدىعىن مەرەكەلەۋ بارىسىندا وسىلاي دەدى.

«مۇناي-گاز سالاسىندا بىرقاتار ءىرى اۋقىمدى جانە ۇزاق مەرزىمدى ينجەنەرلىك-تەحنيكالىق جوبالار جۇزەگە اسىرىلىپ  جاتىر. مۇناي وندىرىسىندە ينۆەستيتسيانىڭ نەگىزگى ءوسىمى ورتا مەرزىمدى كەزەڭگە تيەسىلى جانە ءۇش جوبانى جۇزەگە اسىرۋ ءۇشىن 44,5 ملرد اقش دوللارى كولەمىندە قۇيىلىپ وتىر: تەڭىزدى بولاشاقتا كەڭەيتۋ جوباسى (36,8 ملرد اقش دوللارى), قاشاعاننىڭ 1-ءشى كەزەڭىن كەڭەيتۋ جوباسى (2 ملرد اقش دوللارى), قاراشىعاناقتاعى ءوندىرىس دەڭگەيىن ۇزارتۋ جوباسى (4,5 ملرد اقش دوللارى)»، – دەدى  مينيستر. تەڭىزدە كەنىشتى يگەرۋگە 46 مىڭنان استام قازاقستاندىق جۇمىسشى تارتىلعان. بولاشاقتا كەڭەيتۋ جوباسىن جۇزەگە اسىرۋ ارقىلى تەڭىزدەگى مۇناي ءوندىرىسىن ايتارلىقتاي ارتتىرۋعا مۇمكىندىك بار. ايتالىق جىل سايىنعى دەڭگەي 2023 جىلدان باستاپ بىردەن 12 ملن تونناعا جوعارىلاتادى. بۇگىندە قاشاعاندا مۇنداي ءوندىرۋ كولەمى تاۋلىگىنە 380 مىڭ باررەلگە جەتىپ وتىر. جۇزەگە اسىرىلاتىن جوبا مۇناي ءوندىرىسىن 2022 جىلى تاۋلىگىنە 420 مىڭ باررەلگە جانە 2027 جىلى 500 مىڭ باررەلگە جەتكىزۋگە ىقپال ەتپەك. قاراشىعاناقتاعى جوبا مۇناي ءوندىرۋ دەڭگەيىن ۇزاق مەرزىمدى كەزەڭگە ساقتاپ قالۋعا مۇمكىندىك بەرەدى.

سوڭعى جاڭالىقتار