6 قىركۇيەك, 18:32 260 0 جاڭالىقتار Túrkistan Gazeti

قازاقستاننىڭ ماينداعى فرانكفۋرت جانە دجيددا قالالارىندا باس كونسۋلدارى تاعايىندالدى

بۇل تۋرالى ءسىم ءباسپاسوز قىزمەتى حابارلادى.

​​قازاقستاننىڭ ماينداعى فرانكفۋرت قالاسىنداعى باس كونسۋلى قىزمەتىنە ەرمۇحامبەت بولاتپەكۇلى قونىسپاەۆ تاعايىندالدى. ول 1976 جىلى 8 قازاندا الماتى قالاسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىنىڭ حالىقارالىق قاتىناستار فاكۋلتەتىن بىتىرگەن. سونداي-اق احەن قالاسىنداعى رەين-ۆەستفال تەحنيكالىق ۋنيۆەرسيتەتىنىڭ ماگيستراتۋراسىن ەۋروپالىق زەرتتەۋلەر ماماندىعى بويىنشا ءبىتىردى. قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ءبىلىم بەرۋ ستيپەندياسىنىڭ تۇلەگى. ديپلوماتيالىق قىزمەتىن قر سىرتقى ىستەر مينيسترلىگىنىڭ جۇيەسىندە 2001 جىلى ەكىجاقتى ىنتىماقتاستىق دەپارتامەنتىنىڭ اتتاشەسىنەن باستادى.

قازاقستاننىڭ دجيددا (ساۋد ارابياسى) قالاسىنداعى باس كونسۋلى ​​ تالعات راحىمكۇلۇلى شالدانباي بولدى.   1967 جىلى 2 شىلدەدە الماتى وبلىسىندا تۋعان. ءال-فارابي اتىنداعى قازاق ۇلتتىق ۋنيۆەرسيتەتىن قازاق ءتىلى مەن ادەبيەتى جانە اراب ءتىلى وقىتۋشىسى ماماندىعى بويىنشا جانە 2000 جىلى قر ءسىم ديپلوماتيالىق اكادەمياسىن ۇزدىك بىتىرگەن. ءوزىنىڭ ديپلوماتيالىق مانسابىن 1993 جىلى ءسىم كونسۋلدىق باسقارماسىنىڭ رەفەرەنتى قىزمەتىنەن باستادى. ودان ءارى وسى باسقارمادا اتتاشە جانە كەيىن ءۇشىنشى حاتشى لاۋازىمىندا جۇمىس ىستەدى. 1996 جىلى ساۋد ارابياسىنداعى قر ەلشىلىگىنە ءۇشىنشى حاتشى رەتىندە جىبەرىلدى. 2000-2002 جىلدارى ءسىم ەكىجاقتى ىنتىماقتاستىق دەپارتامەنتىندە ەكىنشى حاتشى بولىپ جۇمىس ىستەدى. 2002-2007 جىلدارى دۋباي قالاسىنداعى قر باس كونسۋلدىعىندا ەكىنشى جانە ءبىرىنشى حاتشى جانە ءباا-دەگى قر ەلشىلىگىنىڭ كەڭەسشىسى قىزمەتىن اتقاردى.

سوڭعى جاڭالىقتار