6 قىركۇيەك, 14:32 321 0 ءبىلىم ءTúrkىstan International Political Weekly

«ەڭبەك كەدەيلىگى» دەگەن تۇسىنىك قالىپتاستى - ساياسات نۇربەك

ۇلتتىق قوعامدىق سەنىم كەڭەسىنىڭ العاشقى وتىرىسىندا ءسوز العان ساياساتتانۋشى ساياسات  نۇربەك ەلدە ءتيىمسىز جۇمىسپەن قامتۋ بەلەڭ العانىن ايتتى.

«بىزدەگى ءبىلىم جانە عىلىم مينيسترىلىگى مەن ەڭبەك جانە حالىقتى الەۋمەتتىك قورعاۋ مينيسترلىگى ادام كاپيتالىن بىرلەسىپ دامىتا الماي وتىر. ءبىرىنشى ماسەلە – بىلىمگە دەگەن جاپپاي سۇرانىس جوق. جالپى ىشكى ءونىمنىڭ ءتۇسىپ كەتكەنىنە قاراماستان، بىزدە ءتيىمسىز جۇمىس ورىندارى ساقتالۋدا.  ءبىلىم بەرۋ جۇيەسى ءبىلىم ەكونوميكاسىنىڭ ماماندارىن ءالى كۇنگە دايىنداماي وتىر. جوعارى ءبىلىمنىڭ بۇقارالىق سيپات الىپ كەتكەنىن قاسىم-جومارت كەمەلۇلى ءوزىنىڭ جولداۋىندا دا كوتەردى.  جوعارى ءبىلىمنىڭ بۇل ماسەلەسىنە ەندى عانا جۇيەلى قاراپ جاتىرمىز. سويتە تۇرا، ءبىلىم بەرۋ جۇيەسى بيزنەسكە قۇلاق اسپايدى.  جۇمىس بەرۋشىلەردىڭ 91 پايىزى تۇلەكتەردىڭ پراكتيكالىق ءبىلىمى مەن ماشىعى جوق ەكەنىن ايتۋدا.   ديپلوم يەلەرىنىڭ جارتىسىنا جۋىعى  ءوز ماماندىعى بويىنشا جۇمىس ىستەمەيدى. 25 جاستان كەيىن ءبىزدىڭ ادامدار ءبىلىم الۋدى توقتاتادى. بىلىكتىلىگىن ارتتىرۋعا زەر سالمايدى.  «ەڭبەك كەدەيلىگى» دەگەن تۇسىنىك قالىپتاستى. مىسالى، بىزدە دارىگەر مەن كولىك جۇرگىزۋشىسىنىڭ ايلىقتارىنداعى ايىرماشىلىق 20 پايىزدان اسپايدى. ال اقش-تا بۇل كورسەتكىش  -  260 پايىز، گەرمانيادا 174 پايىز، برازيليادا 172 پايىز. وسىلايشا، نەعۇرلىم جوعارى بىلىكتى، شىعىنى ەلەۋلى ماماندىقتارعا سۇرانىس بايقالماي وتىر. بۇل وتە كۇردەلى پروبلەما»، - دەدى ساياسات نۇربەك.

سوڭعى جاڭالىقتار