6 قىركۇيەك, 12:54 305 0 ىشكى ساياسات ءTúrkىstan International Political Weekly

پرەزيدەنت "قىتاي زاۋىتتارى" جايلى پىكىر ءبىلدىردى

پرەزيدەنت قاسىم-جومارت توقاەۆ قازاقستاندىقتاردىڭ پاتريوتتىق سەزىمىنە ايلا-شارعى جاساۋعا ۇمتىلىپ جاتقانداردىڭ قاۋەسەتىنە ەرمەۋگە شاقىردى.

"سوڭعى ۋاقىتتا جەر شەتەلدىكتەرگە ساتىلىپ، شەت مەملەكەتتىڭ 55 ەسكى زاۋىتى تاسىمالدانىپ، وعان مىڭداعان شەتەلدىك جۇمىسشى تارتىلادى دەگەن قاۋەسەت تارادى. ءبىزدىڭ حالىق مۇندايعا سەنبەۋى كەرەك. مۇنداي قاۋەسەتتى ادامداردىڭ پاتريوتتىق كوڭىل-كۇيلەرىن ايلا-شارپىپ، ەموتسيونالدى، ەپاتاجدى ادامداردى وزدەرىنىڭ بەلگىلى ءبىر ماقساتتارىنا قول جەتكىزۋ ءۇشىن قاسكويلەر قولدانادى", - دەپ مالىمدەدى توقاەۆ ۇلتتىق قوعامدىق سەنىم كەڭەسىنىڭ وتىرىسىندا.

ول مۇنداي مانيپۋلياتسيا گەوساياساتتىڭ ءبىر بولىگى ەكەنىن، ونىڭ ماقساتى حالىقتىڭ بىرلىگىن بۇزۋ، قازاقستانداعى جاعدايدى تۇراقسىزداندىرۋ ەكەنىن باسىپ ايتتى.

ء"بىزدىڭ حالىق دانا جانە ءوز اقىلىمەن ءومىر سۇرە الادى. بيلىكتىڭ مىندەتى - قوعاممەن ديالوگ ارقىلى مەملەكەتتىك ساياساتتىڭ ماقساتتارى مەن مىندەتتەرىن ءتۇسىندىرۋ، ونى ءبىز كوبىنە ناشار ورىنداپ جاتامىز. اقىل-وي مەن ۇسىنىستاردى ەسكەرۋ، قابىلداۋ. مەن تاعى قايتالاپ ايتامىن، ءبىز جەردى ەشكىمگە بەرمەيمىز جانە ءاردايىم حالىقتى تىڭداپ وتىرامىز", - دەپ توقتالدى پرەزيدەنت.

سوڭعى جاڭالىقتار