5 قىركۇيەك 2019, 19:19 481 0 جاڭالىقتار Túrkistan Gazeti

قازاقستاندىقتار مەن شەتەلدىكتەردىڭ جالاقىسى قالاي تەڭەستىرىلەدى

قر پرەمەر-ءمينيسترىنىڭ ورىنباسارى جەڭىس قاسىمبەك قازاقستاندىقتار مەن شەتەلدىكتەردىڭ جالاقىسىن تەڭەستىرۋ جۇمىستارى جونىندە ايتىپ بەردى.

«جازدا ءدال وسى ماسەلە ءجيى كوتەرىلدى. ونىڭ باستى سەبەبى – جەرگىلىكتى بىلىكتى مامانداردىڭ جەتىسپەۋشىلىگى. سوندىقتان قازاقستان مەن قىتايدىڭ بىرلەسكەن 55 جوباسى بويىنشا ىنتىماقتاستىق اياسىندا ينۆەستورلار وسى كاسىپورىنداردىڭ بولاشاق قىزمەتكەرلەرىن وقىتۋعا مىندەتتەلگەن. ماسەلەن، اقتوعاي – شىعىس قازاقستانداعى ءىرى تاۋ-كەن كاسىپورنى مىس كەنىن قازىپ، كونتسەنترات شىعارادى. ۆاحتالىق ادىسپەن جۇمىس ىستەيدى. بۇل كاسىپورىندى تۇرعىزۋدا قازاقستاندىقتاردىڭ ءبارى وقىتۋدان ءوتتى. بوزشاكولدە دە وسى ۇستانىم بولدى. شىنىندا دا، ماسەلە وتە وزەكتى. پرەزيدەنت ۇكىمەتكە تاپسىرما بەردى، ونىمەن قازىر ۇكىمەت پەن ەڭبەك مينيسترلىگى اينالىسىپ جاتىر»، - دەدى ج. قاسىمبەك.

ونىڭ ايتۋىنشا، ەڭ الدىمەن قازاقستاندىق جۇمىسشىلاردىڭ بىلىكتىلىگىن كوتەرۋ قاجەت. «ەكىنشىدەن، قاعيدالار ساقتالۋى ءتيىس، ەگەر قازاقستان ازاماتى شەتەلدىكپەن بىردەي جۇمىس اتقارسا، تولەماقى دا بىردەي بولۋى كەرەك. بۇل ماسەلەمەن قۇقىق قورعاۋ ورگاندارى اينالىسىپ جاتىر»، - دەدى جەڭىس قاسىمبەك.

تەگتەر جالاقى

سوڭعى جاڭالىقتار