5 قىركۇيەك, 10:31 337 0 نۇر وتان اسەل انۋاربەك

"قوعام" اپتالىعى

ماڭىزدى ماسەلەلەر تالقىلاندى

«Nur Otan»  پارتياسى ەلوردالىق  فيليالىنىڭ پارتيالىق اكتيۆى ساياسي كەڭەستىڭ شەشىمدەرىن تالقىلادى. ەلوردالىق پارتيا اكتيۆىنىڭ وتىرىسىندا سىبايلاس جەمقورلىققا قارسى كۇرەستى جۇيەلى تۇردە كۇشەيتۋ، قالالىق ماسليحاتتاعى پارتيا فراكتسياسىنىڭ جۇمىسىن كۇشەيتۋ، حالىقتىڭ وتىنىشتەرىنە جەدەل دەن قويۋ ماسەلەلەرى ءسوز بولدى.

كەزدەسۋدىڭ باستى تاقىرىبى – «بولاشاققا  نىق قادام». ەستەرىڭىزگە سالا كەتەيىك، باعدارلامالىق قۇجاتتا پارتيا توراعاسى، ەلباسى نۇرسۇلتان نازارباەۆ پارتيانىڭ بەلسەندى مۇشەلەرىن شوعىرلاندىرۋ بويىنشا شارالار قابىلداۋدى، سىبايلاس جەمقورلىققا قارسى كۇرەستى كۇشەيتۋدى جانە پارتيا ىشىندە «تازالاۋ» جۇرگىزۋدى، پارتيا ورگاندارىنىڭ الەۋەتىن بارلىق دەڭگەيدە بارىنشا جۇزەگە اسىرۋدى، بيلىكتىڭ بارلىق دەڭگەيلەرىندە پارتيالىق جاۋاپكەرشىلىكتى ارتتىرۋدى تاپسىرعان بولاتىن.

«سىبايلاس جەمقورلىققا قارسى كۇرەس تۇراقتى بولۋى ءتيىس. «ادالدىق الاڭى» جوباسى بويىنشا سىبايلاس جەمقورلىقتىڭ الدىن الۋ جانە ەسكەرتۋ بويىنشا ناقتى ناتيجەلەر بار. ءبىز پارتيانىڭ بەلسەندى مۇشەلەرىن قوعامدىق باقىلاۋدى بىرگە وتكىزۋگە شاقىرامىز. تەك ترانسپارەنتتىلىك ادام فاكتورىن الىپ تاستاۋعا مۇمكىندىك بەرەتىن، سونداي-اق تسيفرلاندىرۋ اسىرەسە مەملەكەتتىك قىزمەت كورسەتۋ سالاسىندا كومەك كورسەتۋگە كومەكتەسەدى»، – دەپ اتاپ ءوتتى «Nur Otan» پارتياسىنىڭ قالالىق فيليالىنىڭ توراعاسى، نۇر-سۇلتان قالاسىنىڭ اكىمى  التاي كولگىنوۆ.

ەلوردا اكىمى سونداي-اق ماسليحاتتاعى دەپۋتاتتىق فراكتسيانىڭ مەملەكەتتىك باعدارلامالاردىڭ ىسكە اسىرىلۋىنا پارتيالىق باقىلاۋدى كۇشەيتۋدى تاپسىردى. كونستيتۋتسيا كۇنى قارساڭىندا جاڭادان قابىلدانعان پارتيا مۇشەلەرىنە پارتيالىق بيلەتتەر تابىس ەتىلدى، ال قالالىق پارتيا ۇيىمىنىڭ بەلسەندىلەرى العىس حاتتارمەن ماراپاتتالدى.

 

پارتيا قۇرامى جاستارمەن تولىقپاق

«Nur Otan» پارتياسى اقتوبە وبلىستىق فيليالى ساياسي كەڭەسىنىڭ كەڭەيتىلگەن وتىرىسىندا پارتيا جۇمىسىن جاڭعىرتۋ بويىنشا نەگىزگى مىندەتتەر، جۇمىستى جەتىلدىرۋ جولدارى مەن پارتيانىڭ وبلىستىق فيليالى ساياسي كەڭەس بيۋروسىنىڭ قۇرامىنا وزگەرىستەر ەنگىزۋ ماسەلەلەرى تالقىلاندى.

«Nur Otan» پارتياسى اقتوبە وبلىستىق فيليالىنىڭ توراعاسى، اقتوبە وبلىسىنىڭ اكىمى وڭداسىن ورازالين «سەنىم. ديالوگ. بولاشاققا نىق قادام – «Nur Otan» پارتياسىنىڭ 7 سەرپىنى» باعدارلاماسىندا ەلباسى پارتيانىڭ بەلسەندى مۇشەلەرىن توپتاستىرۋ، جەمقورلىقپەن كۇرەستى كۇشەيتۋ جانە پارتيادان لايىقتى ەمەس مۇشەلەردى شىعارۋ ءۇشىن شارالار قابىلداۋدى، بارلىق دەڭگەيدە پارتيا ورگاندارىنىڭ الەۋەتىن مەيلىنشە جۇزەگە اسىرۋدى، بيلىكتىڭ بارلىق دەڭگەيىندە پارتيالىق جاۋاپكەرشىلىكتى ارتتىرۋدى تاپسىرعانىن اتاپ ءوتتى.

«الداعى ۋاقىتتا قوعامدىق ماسەلەلەردى ۇدايى كوتەرىپ جۇرگەن، ونى شەشۋدى ۇسىنا بىلەتىن، ءوز ءسوزىن دالەلدەي الاتىن ازاماتتار پارتيا قاتارىنا تارتىلاتىن بولادى. پارتيا مۇشەلەرىنىڭ قوعامدا بولىپ جاتقان جاعدايلارعا نەمقۇرايلى قاراماي، دەر كەزىندە ءۇن قاتۋى، ناقتى ءىس-شارالار قولدانىلۋى نازارعا الىنادى»، –  دەدى پارتيانىڭ وبلىستىق فيليالىنىڭ توراعاسى.

سونداي-اق وڭداسىن ورازالين كاسىپكەرلىكپەن اينالىسامىن دەگەن ادامدارعا جاعداي جاسالاتىنىنا نازار اۋداردى. تەك دەنى ساۋ، ەڭبەككە قابىلەتتى ادام جۇمىس ىستەۋى كەرەك. ول ماسىلدىق قارىم-قاتىناستى جويۋ جانە حالىققا بارلىق باعدارلامالار جونىندە ءتۇسىندىرۋ قاجەتتىگىنە ەرەكشە توقتالدى. «پارتيا توراعاسى ەلىمىزدە اتقارىلىپ جاتقان جۇمىستاردىڭ دۇرىس باعىتتا ءجۇرىپ كەلە جاتقانىن ايتا كەلە، ەل جاستارىن ەڭبەك ەتۋگە ۇندەپ، ماسىلدىقتان ارىلۋعا شاقىردى. قازىرگى تاڭدا شاعىن جانە ورتا بيزنەسپەن اينالىسامىن دەگەن ادامدارعا جول اشىق، مەملەكەت تاراپىنان جان-جاقتى قولداۋ بار. وسىعان بايلانىستى «ەڭبەك» باعدارلاماسى اياسىندا «بيزنەس باستاۋ»، «جاس مامان»، «جاس كاسىپكەر» جوبالارى جاقسى ىسكە اسىرىلىپ، وڭىرىمىزدە كوپتەگەن جۇمىستار جاسالىپ، وڭ ناتيجەلەرىن بەرىپ كەلەدى»، –  دەدى ول.

كۇن ءتارتىبى بويىنشا ءسوز العان پارتيانىڭ اقتوبە وبلىستىق فيليالى توراعاسىنىڭ ورىنباسارى نۇرحان اعنيازوۆ قازىر وبلىستىق فيليالعا قاراستى  251 باستاۋىش پارتيا ۇيىمىندا  44284 پارتيا مۇشەسى بار ەكەنىن اتاپ ءوتتى. «پارتيا توراعاسىنىڭ ساياسي كەڭەستە كوتەرگەن ماسەلەسىنە وراي، پارتيادا ەل دەگەندە جاناشىرلىقپەن جۇمىس ىستەيتىن، حالىققا شىن جانى اشيتىن بەلسەندىلەرمەن جۇمىستى جالعاستىرىپ، پارتيادان بايلانىس ۇزگەن مۇشەلەردى پارتيا مۇشەلىگىنەن شىعارۋ جۇمىستارى باستالدى»، – دەي كەلە، نۇرحان اعنيازوۆ پارتيانىڭ وبلىستىق فيليالىندا باستاۋىش پارتيا ۇيىمدارىنىڭ بەلسەندىلىگىن ارتتىرۋعا ەرەكشە كوڭىل بولىنگەنىن تىلگە تيەك ەتتى.

پارتيانىڭ اقتوبە قالالىق فيليالى توراعاسىنىڭ ءبىرىنشى ورىنباسارى نۇرلىبەك ءجۇسىپوۆتىڭ ايتۋىنشا، تۇرعىنداردىڭ الەۋمەتتىك جەلىلەردە كوتەرگەن ماسەلەلەرىنە وراي قالانىڭ مولتەك اۋداندارىندا كوشپەلى قوعامدىق قابىلداۋلار ۇيىمداستىرىلۋدا. سونداي-اق «قۇتتى مەكەن» ۇلتتىق جوباسى اياسىندا قالادا «نۇرلى جەر» جانە «نۇرلى جول» باعدارلامالارى بويىنشا سالىنىپ جاتقان قۇرىلىس نىساندارىنا پارتيالىق باقىلاۋ بەكەتتەرى ورناتىلىپ، ناتيجەسىندە تۇرعىندار مەن پارتيا اراسىندا تىعىز بايلانىس جولعا قويىلعان.

«Jas Otan» جاستار قاناتىنىڭ وبلىستىق فيليالى توراعاسى اسىلجان بۇركىتالين «ارداگەرلەردى ارداقتايىق»، «English for Jastar» جوباسى مەن «TazaQazaqstan» ەكولوگيالىق اكتسياسى اياسىندا جانە ەرىكتىلىكتى دامىتۋ بويىنشا اتقارىلىپ جاتقان جۇمىستاردى باياندادى. سونداي-اق، اقتوبە وبلىسىندا جاس دەپۋتاتتاردىڭ سانى از ەكەنىن ايتا كەلە، ەلباسى تاپسىرماسىنا وراي بارلىق دەڭگەيدەگى ءماسليحاتتاردا جاستاردىڭ ۇلەسىن ارتتىرۋ قاجەت ەكەنىنە توقتالدى. ونىڭ ايتۋىنشا، بۇل جۇمىسقا اقتوبەلىك جاسوتاندىقتار  دايىن.

 

بالالار قۇقىعىن قورعاۋ – نەگىزگى مىندەت

«Nur Otan» پارتياسى جانىنداعى بالالاردىڭ قۇقىقتارىن قورعاۋ جونىندەگى رەسپۋبليكالىق كەڭەستىڭ جۇمىس توبى جەتىسۋ وڭىرىنە تابان تىرەدى.

باستى ماقسات – «باقىتتى وتباسى» جوباسى اياسىندا جاسالعان ارنايى جول كارتانىڭ وڭىردە جۇزەگە اسىرىلۋ بارىسىمەن تانىسۋ، بالالاردىڭ قۇقىقتارىن قورعاۋ جانە از قامتىلعان  جاعدايى تومەن وتباسىلارعا كومەك كورسەتۋ بويىنشا اتقارىلىپ جاتقان جۇمىستارعا نازار اۋدارۋ، ءوڭىردىڭ الەۋمەتتىك سالادا اتقارعان جۇمىستارىنىڭ ناتيجەسىمەن تانىسۋ. وسى رەتتە قر پرەزيدەنت اكىمشىلىگىنىڭ باستاماسىمەن جانە «باقىتتى وتباسى» پارتيالىق جوباسىن جۇزەگە اسىرۋ شەڭبەرىندە الماتى وبلىسىندا بالالاردىڭ قۇقىقتارى مەن زاڭدى مۇددەلەرىن قورعاۋدى قامتاماسىز ەتۋ جۇيەسىن جەتىلدىرۋ ۇسىنىستارىن زەرتتەۋ جانە جيناۋ ماسەلەلەرى بويىنشا كوشپەلى ساراپتامالىق توبىنىڭ وتىرىسى ءوتتى.

14 ءوڭىردىڭ اكىمدەرى قول قويىپ، جۇزەگە اسىرۋدى باستاعان «باقىتتى وتباسى»  جوباسىندا وتباسىنىڭ قارجىلىق جاعدايىن جاقسارتۋ، بالالار ءۇشىن قاۋىپسىز ورتانى قالىپتاستىرۋ، جۇمىسپەن قامتۋ جانە قوسىمشا ءبىلىم بەرۋدى قامتاماسىز ەتۋ جانە كامەلەتكە تولماعاندارعا قاتىستى زورلىق-زومبىلىقتى انىقتاۋ سياقتى  70-تەن استام شارالار  جۇزەگە اسىرىلاتىن بولادى.

«الماتى وبلىسىندا بالالاردىڭ ءومىر ءسۇرۋ دەڭگەيى مەن قاۋىپسىزدىك ەرەجەلەرىنە ەرەكشە نازار اۋدارامىز. ارنايى «جول كارتاسى» اياسىندا بالالاردىڭ ءار ءتۇرلى ورتادا ءومىر ءسۇرۋ ساپاسىن انىقتايمىز: مەكتەپ، مەكتەپكە دەيىنگى ءبىلىم بەرۋ مەكەمەلەرى، كوشە، ءۇي الاڭدارى. بارلىق مەكەمەلەردە بالالاردىڭ قاۋىپسىزدىگى اسا ماڭىزدى. ەڭ الدىمەن وزىنە-ءوزى قول جۇمساۋ، بالالار قىلمىسى، بالانىڭ ءبىلىم الىپ، تاربيەلەنۋىنە قاجەت ينفراقۇرىلىمدى قامتاماسىز ەتۋ شارالارى»، – دەيدى  رەسپۋبليكالىق كەڭەس  توراعاسىنىڭ ورىنباسارى دينارا زاكيەۆا.

«الماتى  وبلىسىندا ءوڭىر باسشىلىعى ءوز جول كارتاسىندا وتباسى جانە جاستار ىستەرى جونىندەگى باسقارمانىڭ اشىلۋىن بەكىتتى، ول ۆەدومستۆوارالىق ۇيلەستىرۋدى قۇرۋعا جانە بالالار مەن وتباسىلاردىڭ قۇقىقتارى مەن زاڭدى مۇددەلەرىن قورعاۋ سالاسىندا جۇيەلى ءتاسىلدى ورتالىقتاندىرىپ قۇرۋعا مۇمكىندىك بەرەدى»، – دەپ اتاپ ءوتتى «Nur Otan» پارتياسى جانىنداعى بالالاردىڭ قۇقىقتارىن قورعاۋ كەڭەسىنىڭ مۇشەسى رىستى ماعاۋياقىزى.

 

جاڭا تەحنولوگيا مۇمكىندىگى تانىستىرىلدى

قر پارلامەنتى ءماجىلىسىنىڭ دەپۋتاتتارى، «Nur Otan» پارتياسى پارلامەنتتىك فراكتسيا مۇشەلەرى گۇلجان قاراعۇسوۆا، تاتيانا ياكوۆلەۆا جانە جەكسەنباي دۇيسەباەۆ اقمولا وبلىسى اقكول قالاسىنىڭ احۋالدىق ورتالىعىنىڭ جۇمىسىمەن تانىستى.

«Smart city – اقىلدى قالا» زاماناۋي تەحنولوگيالارىن ەنگىزۋ جونىندەگى پيلوتتىق جوبا «تسيفرلى قازاقستان» مەملەكەتتىك باعدارلاماسى شەڭبەرىندە جۇزەگە اسىرىلدى.

ساپار بارىسىندا دەپۋتاتتار نازارىنا تۇرعىن ءۇي-كوممۋنالدىق شا­­رۋاشىلىعىن قاشىقتىقتان باسقارۋ، قالانىڭ تىنىس-تىرشىلىگىن قامتاماسىز ەتۋ، جول قوزعالىسىن باسقارۋ جانە ۇيلەستىرۋ، ەكولوگيالىق جاع­­داي بويىنشا تەحنولوگيالار ۇسى­نىلدى. اقكول قالاسىندا اۆتوماتتى رەجيمدە ءار ءۇيدىڭ سۋدى تۇتىنۋ كولەمى ەسەپتەلەدى. جاڭا تەحنولوگيالاردىڭ كومەگىمەن سۋ قۇبىرلارىنىڭ زاقىمدانۋىن بىردەن انىقتاۋعا بولادى.

بارلىق دەرەكتەر احۋالدىق ورتالىققا – ديسپەتچەرلىك زال، مونيتورينگ ءۇشىن بەينە قابىرعالى، بەينەكون­فەرەنتسبايلانىس جۇيەسى، call-ورتالىعى بار وبەكتىگە تۇسەدى. احۋالدىق ورتالىق ۆەدومستۆوارالىق ءوزارا ءىس-قيمىلدى ۇيىمداستىرۋ، قالانىڭ تىنىس-تىرشىلىگىن تاكتيكالىق جانە ستراتەگيالىق باسقارۋ بويىنشا شە­شىم­دەردى كورسەتۋ، كوممۋنالدىق قىزمەتتەردى باسقارۋ، قالالىق رەسۋرستار تۋرالى شىنايى جانە ۋاقتىلى مالىمەتتەردى اگرەگاتسيالاۋ، قاۋىپسىزدىكتى قامتاماسىز ەتۋ ءۇشىن قاجەتتى ين­فرا­قۇرىلىممەن جابدىقتالعان.

دەرەكتەردى جيناۋ جانە وڭدەۋ «قازاقتەلەكوم» اق دەرەكتەردى وڭدەۋ ورتالىعىندا جۇرگىزىلەدى. قالانىڭ بارلىق اۋماعى بويىنشا وزەكتى اقپاراتتىڭ ءوسىپ كەلە جاتقان كولەمىن جيناۋ ماقساتىندا «قازاقتەلەكوم» اق قاجەتتى ساندىق جانە زياتكەرلىك ينفراقۇرىلىم قۇردى.

ورتالىق جۇمىسىمەن تانىسۋ قورىتىندىسى بويىنشا دەپۋتاتتار اقكول قالاسىنىڭ تاجىريبەسىن رەسپۋبليكانىڭ باسقا وڭىرلەرىندە ودان ءارى تاراتۋ ماسەلەسىن قارادى.

 

تۇرعىن ءۇي قۇرىلىسى جاندانادى

قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى مەيرام پىشەمباەۆ پەن نۇرلان ءابدىروۆ جۇمىس ساپارى بارىسىندا پاۆلودار وبلىسىنىڭ اقسۋ قالاسىنداعى ەكى پاتەرلى ۇيلەردىڭ قۇرىلىس الاڭىنا باردى.

جەكە تۇرعىن ءۇي قۇرىلىسى شاعىن اۋدانىندا سالىنىپ جاتقان ۇيلەردى تۇرعىن ءۇي كەزەگىندە تۇرعان 56 وتباسى كۇتۋدە. مەردىگەرلەردىڭ ايتۋىنشا، بارلىق كوممۋنيكاتسيا ورناتىلادى: جىلۋ، جارىق، ەلەكتر، كارىز جۇيەلەرى. نىساندى اعىمداعى جىلدىڭ قازان ايىندا تاپسىرۋ جوسپارلانىپ وتىر.

«ءبىز، «Nur Otan» پارتياسى فراكتسيا­سىنىڭ دەپۋتاتتارى، وسىنداي نى­سانداردىڭ باقىلاۋىنا ەرەكشە نا­زار اۋداراتىن بولامىز، قۇرىلىس جۇمىستارىنىڭ بارىسىمەن ۇنەمى تانىسىپ، تۇرعىن ۇيمەن قامتاماسىز ەتۋدى باقىلايمىز. اقسۋ قالاسى ۇلگىسىندەگى جۇمىستى ەلىمىزدىڭ باسقا وڭىرلەردە ىسكە اسىرعانى ءجون»، – دەدى مەيرام پىشەمباەۆ.

ايتا كەتۋ كەرەك، جەكە تۇرعىن ءۇي قۇرىلىسىن اباتتاندىرۋ ءۇشىن قالا بيلىكتەرى بۇل جەردە جولداردى سالىپ، شاعىن جانە ورتا بيزنەستى دامىتۋ ءۇشىن كومپانيالاردى تارتۋدى جوسپارلاپ وتىر.

 

ءار قازاقستاندىقتىڭ ومىرىنە قاتىستى قۇجات

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە پرەزيدەنتتىڭ قازاقستان حالقىنا جولداۋى تالقىلاندى. ۋنيۆەرسيتەت پەن «Nur Otan» پارتياسىنىڭ «نۇر» باستاۋىش پارتيا ۇيىمى بىرلەسە ۇيىمداستىرعان شارادا ساياسات، ەكونوميكا، فيلولوگيا سالاسىنىڭ اكادەميكتەرى مەن ساراپشىلارى، پارتيا مەن  كاسىپوداق وكىلدەرى بوي كورسەتتى.

«پرەزيدەنت جولداۋى – ءار قازاق­ستاندىقتىڭ ومىرىنە قاتىستى قۇجات. بۇل جولداۋ ءبىزدى تۇراقتىلىق پەن دامۋعا الىپ كەلەدى  ەلباسى ەلدىڭ دامۋى ەكونوميكاعا تىكەلەي بايلانىستى ەكەنىن باسا ايتقان بولاتىن. تەك باسەكەگە قابىلەتتى مەملەكەتتەر بۇل الەمدە وزىندىك ورنىن  الا الادى»، – دەدى ل.ن.گۋميلەۆ اتىنداعى ەۇۋ رەكتورى، «Nur Otan» پارتياسىنىڭ «نۇر» فيليالىنىڭ توراعاسى ەرلان سىدىقوۆ.

قازاقستاندىق سالالىق ءبىلىم جانە عىلىم قىزمەتكەرلەرى كاسىپوداعىنىڭ ءتورايىمى  مايرا امانتاەۆا ءوز سوزىندە پرەزيدەنتتىڭ قوعامدىق ميتينگتەر وتكىزۋ ماسەلەسىنە قاتىستى ۇستانىمىن قولداپ، ناتيجەسىندە بۇل رەفورمالار حالىق بىرلىگى مەن مەملەكەتتىڭ دامۋىنا جول اشۋى ءتيىس ەكەنىن اتاپ ءوتتى.

ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ەكونوميكا فاكۋلتەتى، تۋريزم كافەدراسىنىڭ مەڭگەرۋشىسى ازامات دۇيسەنباەۆ پرەزيدەنتتىڭ ايتىپ وتكەن ەلىمىزدەگى ءتۋريزمدى دامىتۋ تاقىرىبىن كوتەردى. عالىم سونداي-اق شاعىن جانە ورتا بيزنەس سالاسىنداعى وڭ رەفورمالار الداعى ۋاقىتتا مىندەتتى تۇردە ءوز جەمىسىن اكەلەتىنىنە سەنىم ءبىلدىردى.

عالىمدار جولداۋدا ايتىلعان باستى ماسەلەلەر مەن العا قويىلعان مىندەتتەردىڭ  زاماناۋي مەملەكەت ءۇشىن وزەكتى ەكەنىن اتاپ ءوتتى. ساراپشىلار پرەزيدەنت ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسىن جوعارى باعالادى جانە كەرى بايلانىستىڭ سىندارلى نىساندارى ارقىلى حالىقپەن جەدەل ديالوگ وتكىزۋ قاجەتتىگىن اتاپ ءوتتى.

سوڭعى جاڭالىقتار