4 قىركۇيەك, 19:12 335 0 ايماق Túrkistan Gazeti

پرەمەر-مينيستر اسقار مامين جۇمىس ساپارىمەن باتىس قازاقستان وبلىسىنا باردى

پرەمەر-مينيستر اسقار مامين باتىس قازاقستان وبلىسىنا جۇمىس ساپارىمەن بارىپ، وندا تۇڭعىش پرەزيدەنت – ەلباسى ن. ءا. نازارباەۆ باستاماشى بولعان «نۇرلى جەر»، «نۇرلى جول»، يندۋستريالىق-يننوۆاتسيالىق دامۋ مەملەكەتتىك باعدارلاماسىن ىسكە اسىرۋ بارىسىمەن، سونداي-اق، مەملەكەت باسشىسى ق. ك. توقاەۆتىڭ وڭىرلەر ەكونوميكالارىن دامىتۋ جونىندەگى تاپسىرمالارىنىڭ ورىندالۋىمەن تانىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى. 

ۇكىمەت باسشىسى قاراشىعاناق جانە چينارەۆ مۇناي-گاز كوندەنساتتى كەن ورىندارىندا بولدى، وندا «قاراشىعاناق پەتروليۋم وپەرەيتينگ ب.ۆ.» جانە «جايىقمۇناي» جشس كاسىپورىندارىنىڭ جۇمىسىمەن تانىستى.

اسقار مامينگە 2019 جىلدىڭ قورىتىندىسى بويىنشا باتىس قازاقستان وبلىسىندا 19 759,5 ملن تەكشە م گاز بەن 11,4 ملن توننا مۇناي ءوندىرۋ جوسپارلانعانى باياندالدى.

وبلىس ورتالىعىندا — ورال قالاسىندا اسقار مامين  ازىق-تۇلىك، جيھاز، قۇرىلىس جانە وڭدەۋ ونەركاسىبى كاسىپورىندارىنا — «جەلاەۆ نان ونىمدەرى  كومبيناتىنا»، «كۋبلەي» جشس كونسەرۆى زاۋىتىنا، «اكۆاكۋلتۋرا تاجىريبەلىك-ونەركاسىپتىك ءوندىرىسىنىڭ وقۋ-عىلىمي كەشەنىنە»، «كۆانت» كورپۋستى جيھاز وندىرەتىن فابريكاعا، «بولاشاق–ت» تۇرعىن ءۇي قۇرىلىسى كومبيناتىنا، ورال ترانسفورماتور زاۋىتىنا، شينالار مەن قۇرامىندا رەزينا بار قالدىقتاردى وڭدەيتىن «كاما تسەنتر» كاسىپورنىنا باردى.

«جايىقجىلۋقۋات» اق ارالاۋ بارىسىندا قر پرەمەر-مينيسترىنە ءوڭىردىڭ جىلۋمەن، سۋمەن جانە ەنەرگيامەن جابدىقتاۋ سالاسىنداعى جاعدايى تۋرالى، سونداي-اق جەرگىلىكتى تابيعي مونوپوليالار سۋبەكتىلەرىنىڭ جۇمىسى جايلى باياندالدى.

اسقار مامين ورال قالاسىنداعى «نۇرلى جول» مەملەكەتتىك باعدارلاماسى اياسىندا سالىنىپ جاتقان «اقجايىق» جاڭا شاعىن اۋدانىنىڭ جانە 9 قاباتتى تۇرعىن ءۇيدىڭ قۇرىلىسىنىڭ بارىسىمەن تانىستى.

اسقار مامين جوعارى اگرارلىق-تەحنيكالىق كوللەدجدى ارالاۋ بارىسىندا وقۋ ورنىنىڭ وقىتۋشىلارى ازىرلەگەن، عيماراتتار مەن نىسانداردىڭ زD-جوبالاۋ جۇيەسىنىڭ جۇمىسىن قاراپ، ءوڭىردى تسيفرلاندىرۋ جوبالارىمەن تانىستى.

سوڭعى جاڭالىقتار