2 قىركۇيەك 2019, 11:47 696 0 ايماق Túrkistan Gazeti

الماتىدا بىرنەشە جەكە ءۇيدىڭ شاتىرى ورتەنىپ كەتتى

الماتىدا تۇرعىن ءۇي الابىندا ءۇش ءۇي ورتكە وراندى، دەپ حابارلايدى الماتى قالالىق تجد ءباسپاسوز قىزمەتى.

«الماتى قالالىق توتەنشە جاعدايلار دەپارتامەنتىنىڭ «101» پۋلتىنە 08:44 المالى اۋدانى،ۇمبەتباەۆا - قابانباي باتىر كوشەلەرىنىڭ قيىلىسىندا جەكە تۇرعىن ۇيدەن ءورت شىققانى تۋرالى حابارلاما ءتۇستى.

ءورت سوندىرۋشىلەر 8 مينۋتتا وقيعا ورىنىنا جەتتى. ءبىر-بىرىنە جاقىن ورنالاسقان جەكە تۇرعىن ۇيلەردىڭ شاتىرى وتقا ورانعان. قابىلدانعان شارالار قابانباي باتىر كوشەسىندەگى 243-ءۇيدى ورتتەن قورعاۋعا مۇمكىندىك بەردى. قالعان ءۇش ءۇيدىڭ شاتىرى ءىشىنارا زاقىمداندى»، - دەپ حابارلايدى تجد ءباسپاسوز قىزمەتى.

سوڭعى جاڭالىقتار