2 قىركۇيەك, 10:14 411 0 كولىك ءTúrkىstan International Political Weekly

جەزل قايتا جولعا شىقتى

قازاقستاندا جول قوزعالىسىن رەتتەۋ ءۇشىن جەزلداردى قايتا قولدانا باستادى. قر  ءىىم ءباسپاسوز قىزمەتى وسىنداي مالىمدەمە جاسادى.

1 قىركۇيەكتەن باستاپ پوليتسيا قىزمەتكەرلەرىنە جەزل قايتارىلدى. ۆەدومستۆو وكىلدەرى ول تەك جول قوزعالىسىن رەتتەۋ ءۇشىن پايدالانىلاتىن حابارلادى.

"جەزل اسىرەسە تاۋلىكتىڭ قاراڭعى ۋاقىتىندا جانە كورىنىس ناشار كەزدە، سونداي-اق، كولىك قۇرالدارىن مىناداي جاعدايلاردا باعىتتاۋ ءۇشىن پايدالانىلادى:

- جول-كولىك وقيعالارى جانە كەپتەلىس كەزىندە، ونىڭ ىشىندە باعدارشامدار سونگەندە;

- كولىك قۇرالدارىنىڭ ۇيىمداسقان كولوننالارىن الىپ ءجۇرۋ;

- تەرروريزمگە قارسى وپەراتسيالاردى جانە (نەمەسە) كۇزەت ءىس-شارالارىن وتكىزۋ;

- تابيعي جانە تەحنوگەندىك سيپاتتاعى توتەنشە جاعدايلار مەن ولاردىڭ سالدارىن بولدىرماۋ جانە (نەمەسە) جويۋ كەزىندە", - دەپ حابارلادى ءباسپاسوز قىزمەتىندەگىلەر.

پوليتسيا قىزمەتكەرلەرى كولىك قوزعالىسىن رەتتەۋدە جەزلمەن بىرگە جارىق شاعىلىستىرعىش كەۋدەشە مەن قولعاپ كيىپ تۇرادى. سونداي-اق، ولار قوسىمشا سيگنال بەرۋ ءۇشىن ىسقىرعىش پايدالانادى. جەزلداردى قايتارۋعا بيۋدجەتتەن اقشا بولىنبەيدى، سەبەبى ولار بار.

ەسكە سالساق، قازاقستاندىق پوليتسەيلەر جەزلدى 2017 جىلدىڭ 1 قاڭتارىنان باستاپ پايدالانۋدى توقتاتقان. سودان بەرى ولار كولىكتى قولمەن توقتاتاتىن.

سوڭعى جاڭالىقتار