29 تامىز, 17:44 441 0 ايماق Túrkistan Gazeti

348 ميلليون تەڭگەگە مۇناي ۇرلاعان قىلمىستىق توپ قۇرىقتالدى

ماڭعىستاۋ وبلىسىندا ەكونوميكالىق تەرگەۋ دەپارتامەنتى مەن ۇقك قىزمەتكەرلەرى مۇناي ونىمدەرىن ۇرلاۋمەن اينالىسقان ۇيىمداسقان قىلمىستىق توپتىڭ قىزمەتىن انىقتاپ، جولىن كەستى، - دەپ حابارلايدى "لادا".

مەملەكەتكە كەلتىرىلگەن شىعىن 348 ميلليون تەڭگەدەن استى. قىلمىستىق توپ مۇشەلەرى مۇنايدى ۇرلاۋ بويىنشا سىزبا جاساقتاعان. ولار تاسىمالداۋ جانە كىرىستەردى زاڭداستىرۋ پروتسەسىن رەتكە كەلتىرگەن. توپ باسشىسى قاجەتتى مالىمەتتەردى جيناپ، قىلمىستىق ۇيىمنىڭ بولاشاق مۇشەلەرىن تاۋىپ ولاردى وقىتاتىن بولعان. باسشى توپ قىزمەتىنىڭ ماسەلەلەرىندە تۇپكىلىكتى شەشىم قابىلداپ، ۇرلانعان مۇنايدى رەسىمدەپ، ۇرلانعان مۇنايدى جىبەرىپ وتىرعان. ۆەدومستۆو مالىمەتىنشە، قىلمىستىق توپ ءتارتىپتى قاتاڭ ساقتاعان جانە كونسپيراتسيا جوعارى دەڭگەيدە بولۋىمەن ەرەكشەلەنگەن.

قۇقىق قورعاۋ ورگاندارى قىزمەتكەرلەرىنىڭ مالىمەتىنشە، قىلمىستىق توپ مۇشەلىگىنە 12 ادام كىرگەن. "مۇنايدى ۇرلاۋ كلاسسيكالىق جانە ءتيىمدى سحەما بويىنشا جۇرگىزىلدى. الدىمەن ەلدەن تىس جەردە ساتىپ الۋشىنى ىزدەۋ جۇرگىزىلدى. ول تابىلعان كەزدە قىلمىسكەرلەر ماگيسترالدى مۇناي قۇبىرىنا كەسىپ، مۇنايدى اۆتوكولىككە قۇيىپ وتىرعان. ۇرلانعان مۇناي تەمىر جولمەن رەسەيگە مۇناي قالدىقتارىنىڭ قوسپاسى رەتىندە تاسىمالداندى. قىلمىستىق ارەكەتتەن تۇسكەن كىرىستەرگە زاڭدىلىق بەرۋ ءۇشىن فيرمانىڭ قىلمىستىق توبىنىڭ باقىلاۋىنداعى قىلمىستىق توبى پايدالانىلدى", - دەدى ەكونوميكالىق تەرگەۋ دەپارتامەنتىنىڭ وكىلدەرى. مۇناي ۇرلاۋ 2017 جىلدىڭ تامىز ايىنان باستاپ 2019 جىلدىڭ اقپان ايىنا دەيىن جۇرگىزىلدى. ۇيىمداسقان قىلمىستىق توپ مۇشەلەرى قارا-وبا كەن ورنىنداعى كونسەرۆاتسيالانعان مۇناي ۇڭعىمالارىنان جانە "وزەن - جەتىباي - اقتاۋ" ماگيسترالدى مۇناي قۇبىرىنان مۇناي ۇرلاعان. "جالپى سوماسى 348,7 ميلليون تەڭگەگە 2420 توننا مۇناي ۇرلاندى. كۇدىكتىلەرگە قاتىستى قر قىلمىستىق كودەكسىنىڭ 13 بابى بويىنشا قىلمىستىق ءىس قوزعالدى. ءۇش كۇدىكتى، ونىڭ ىشىندە ۇقت ۇيىمداستىرۋشىسى كۇزەتپەن ۇستالادى. قىلمىستىق ءىس ماتەريالدارى مىڭنان اسا الىنعان بۋحگالتەرلىك قۇجاتتاردى ەسەپتەمەگەندە، 30 تومدى قۇرايدى. ايىپتاۋ اكتىسى بار ءىس سوتقا جىبەرىلدى", - دەلىنگەن ۆەدومستۆو حابارلاماسىندا.

سوڭعى جاڭالىقتار