29 تامىز, 09:14 418 0 جاڭالىقتار Túrkistan Gazeti

اقتوبەدە كەزەكتە تۇرعاندارعا جەر بەرۋ جۇمىسى توقتاتىلدى

اقتوبە قالاسى بويىنشا 145 مىڭ ادام جەر كەزەگىندە تۇر. ينجەنەرلىك جەلى تارتۋ جۇمىسىنا 105 ميلليارد تەڭگە كەرەك، دەپ حابارلايدى قازاقپارات ءتىلشىسى. 

«سوڭعى 5 جىلدا جەكە تۇرعىن ءۇي قۇرىلىسىنا 22 638 جەر تەلىمى بەرىلدى. ونىڭ ىشىندە 19 461 جەر ۋچاسكەسىنە ينجەنەرلىك جەلى تارتىلماعان. بۇگىنگى كۇنى وسى جەرگە ينجەنەرلىك جەلى تارتۋ ءۇشىن 15 ميلليارد تەڭگە قاجەت. جەكە تۇرعىن ءۇي قۇرىلىسى ءۇشىن جەر ۋچاسكەلەرىن الۋعا تىركەلگەن ازاماتتار سانى 145 مىڭ ادامعا جەتتى. قازىرگى تاڭدا بۇل ازاماتتاردىڭ بارلىعىنا جەر ۋچاسكەلەرىن بەرۋ مۇمكىن ەمەس. سەبەبى، قازىرگى قالانىڭ اۋماعى 29700 گا قۇراسا، كەزەكتە تۇرعاندارعا جەر بەرىلگەن جاعدايدا شامامەن قوسىمشا 20700 گا استام جەر ۋچاسكەسىن قاجەت ەتەدى. بۇل - ەكىنشى اقتوبە قالاسىن سالۋمەن بىردەي. سونداي-اق، تەك قانا ينجەنەرلىك جەلىلەر قۇرىلىسىنىڭ قۇنى - 105 ملرد تەڭگە بولىپ وتىر»، - دەدى اقتوبە قالاسىنىڭ اكىمى ماۆر ابدۋللين.

جەرگىلىكتى اكىمدىك جەر بەرۋ جۇمىسىن ۋاقىتشا توقتاتقان. تەك بەرىلگەن جەردى پايدالانباعانداردان قايتارىپ الىپ، قايتا بەرىپ جاتىر. اكىمدىك نۇر-اقتوبە، باتىس-3, ماسكەۋ اۋداندارىندا كوپقاباتتى ۇيلەر سالىپ، ونى كەزەكتە تۇرعاندارعا بالاما نۇسقا رەتىندە جەڭىلدەتىلگەن شارتپەن ساتۋدى ۇسىندى. اتالعان اۋدانداردا 238 مىڭنان استام ادام تۇرا الادى.

سوڭعى جاڭالىقتار