28 تامىز, 10:24 752 0 ونەر ءTúrkىstan International Political Weekly

ديماش تاتار قىزدىڭ ارمانىن ورىندادى

ديماش قۇدايبەرگەن قازان قالاسىنداعى حوسپيسكە ارنايى بارى، ءوزىنىڭ كىشكەنتاي جانكۇيەرىنىڭ ارمانىن ورىندادى.

ديماش قۇدايبەرگەن ءوزىنىڭ كومانداسىمەن بىرگە قازان قالاسىنداعى حوسپيسكە ارنايى كىرىپ شىقتى. «سىرقاتى اۋىر لەيسان ەسىمدى قىز اندرەي مالاحوۆتىڭ حابارىندا ديماشتىڭ شىعارماشىلىعى ءوزىنىڭ اۋرۋىمەن كۇرەسۋگە كۇش سىيلايتىنىن، ءانىن تىڭداعان سايىن ءومىردىڭ ءالى الدا ەكەنىن تۇسىنەتىنىن ايتقان بولاتىن. ول ديماشتىڭ قازاندا ءان ايتاتىنىن ەستىگەندە بارعىسى كەلگەنىن، بىراق بەسىنشى رەت حيميالىق كۋرستان كەيىن ول مۇمكىن ەمەستىگىن ايتقان. سوندىقتان، ديماش جانكۇيەرىنە ءوزى كەلىپ، بالاڭ ارمانىن ورىندادى»، - دەلىنگەن Youtube ارناسىندا.

اتالمىش مەكەمەنىڭ انجەلا ۆاۆيلوۆا اتىنداعى قورى Instagram-دا لەيساننىڭ شىنىمەن دە ديماشتىڭ شىعارماشىلىعىن ءسۇيىپ تىڭدايتىنىن جازعان.

ايتا كەتسەك، قازاقستاندىق ءانشى تاتارستان استاناسىنا «WorldSkills Kazan 2019» شاراسىنا قاتىسۋ ءۇشىن بارعان بولاتىن.

سوڭعى جاڭالىقتار