28 تامىز, 09:37 438 0 قاۋىپسىزدىك ءTúrkىstan International Political Weekly

تازالىققا كەرەك زات تەگىن تاراتىلىپ جاتىر

الماتىدا المالى اۋدانىندا جەكە تۇرعىن ءۇي يەلەرىنە قوقىس جاشىكتەرى تەگىن ۇلەستىرلىپ جاتىر.

اۋداندا 3500-گە جۋىق جەكە تۇرعىن ءۇي تىركەلگەن. ونىڭ ىشىندە 800 نىسان كاسىپكەرلەرگە تيەسىلى. قازىر دەمەۋشىلەردىڭ كومەگىمەن 1500 قوقىس جاشىگى ساتىپ الىنعان. جەرگىلىكتى جۇرتقا ونى تاراتۋ جۇمىسى باستالىپ كەتتى.

«وسى كۇنگە دەيىن اۋداندا قوقىس اپتاسىنا ءبىر رەت شىعارىلعان بولسا، ءبىز مىنا «ءتارتىپ» اق باسشىلىعىمەن كەلىسىپ اۋدانىمىزداعى وسىنداي قاتتى قالدىق شىعارۋدى اپتاسىنا ەكى رەت ۇيىمداستىرىپ جاتىرمىز»، – دەدى الماتى قالاسى المالى اۋدانى اكىمىنىڭ ورىنباسارى ارحات وماروۆ.

قالا تۇرعىندارى بۇل باستاما تازالىققا جول اشادى دەپ ەسەپتەيدى.

«قوقىستى اپتاسىنا ءبىر رەت قانا الىپ كەتەتىن. تۇرمىستىق قالدىقتاردى پوليەتيلەن پاكەتپەن شىعاراتىنبىز. كوشەدە يتتەر ونى شاشىپ تاستاپ، بارلىعى جايىلىپ كەتەتىن»، – دەيدى ءبىر تۇرعىن.

«بۇعان دەيىن قوقىستى سارسەنبى كۇنى تۇندە، نە بولماسا بەيسەنبى كۇنى تاڭەرتەڭ ەسىك الدىنا قويىپ قوياتىنبىز. اپتاسىنا ەكى رەت الىپ كەتىپ جۇرسە، ول بارىمىزگە قولايلى. ونىڭ ۇستىنە مىناداي قوقىس جاشىكتەرىن تەگىن بەردى. بارلىعى ەندى جيناقى بولىپ، كوشەدە تازالىق ساقتالادى»، – دەدى ەكىنشى ءبىرى.

سوڭعى جاڭالىقتار