27 تامىز 2019, 17:19 431 0 ايماق Túrkistan Gazeti

ءماجىلىس دەپۋتاتى الماتى وبلىسىنداعى اۋىل تۇرعىندارىن قابىلدادى

ءماجىلىس دەپۋتاتى، «Nur Otan» پارتيا جانىنداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەس توراعاسى ومارحان وكسىكباەۆ الماتى وبلىسىنىڭ ەسكەلدى اۋىلىندا ازاماتتاردى قابىلدادى، دەپ حابارلايدى قازاقپارات ءماجىلىستىڭ ءباسپاسوز قىزمەتىنە سىلتەمە جاساپ.

قابىلداۋعا كەلگەن ازاماتتار دەپۋتاتتان تۇرعىن ءۇي  قۇجاتتارىن رەتتەۋ، تۇراقتى جۇمىسپەن قامتۋ جانە باسقا دا كوپتەگەن تۇرعىنداردى تولعاندىرعان ماسەلەلەردى كوتەردى.

«پارتيالىقتار كەز كەلگەن ۋاقىتتا تۇرعىنداردىڭ تىلەگىنە ەرەكشە نازار اۋدارىپ، شۇعىل سۇرانىستارعا جىلدام جاۋاپ بەرۋگە ءازىر بولۋى ءتيىس. قازىر ءبىز تسيفرلىق زاماندا ءومىر سۇرەمىز. سۇرانىستار، وتىنىشتەر ونلاين تىركەلەدى. قوعامدىق قابىلداۋ بولمەلەرىنىڭ دە جۇمىسىن بارىنشا وڭتايلاندىرىپ، ازاماتتاردىڭ وتىنىشتەرىن شۇعىل شەشۋگە كۇش سالساق جۇمىسىز جەمىستى بولادى. الدىما كەلگەن ازاماتتاردىڭ ءار سۇراعىنا دەن قويىپ، قولىمدا بار مۇمكىندىكتى ايانباستان ۇسىندىم»، - دەدى ومارحان نۇرتايۇلى.

جالپى ەسكەلدى اۋداندىق فيليالىنىڭ قابىلداۋ بولمەسىنە جىل باسىنان 177 ءوتىنىش كەلىپ تۇسسە، ولاردىڭ 60-ى وڭ شەشىمىن تاپقان. 4 مىڭنان استام پارتيا مۇشەسى، 13 باستاۋىش پارتيا ۇيىمى بار. پارتيالىق باقىلاۋ قىزمەتى مەن جەمقورلىققا قارسى ءىس-قيمىل جونىندەگى اۋداندىق كەڭەس جىل باسىنان وننان استام وتىرىس وتكىزىپ، مەملەكەتتىك مەكەمەلەرگە 17 ۇسىنىس بەرگەن. ءماجىلىس دەپۋتاتى ودان ءارى جەتىسۋ ءوڭىرىنىڭ تەكەلى، تالدىقورعان قالالارى مەن كەربۇلاق، بالقاش اۋداندارىنىڭ جۇرتشىلىعىمەن كەزدەسۋدى جوسپارلاپ وتىر.

سوڭعى جاڭالىقتار