26 تامىز, 19:37 548 0 جاڭالىقتار Túrkistan Gazeti

ابايدىڭ 175 جىلدىق مەرەيتويىن وتكىزۋ جونىندەگى مەملەكەتتىك كوميسسيا قۇرىلدى

مەملەكەت باسشىسى اباي قۇنانبايۇلىنىڭ 175 جىلدىق مەرەيتويىن دايىنداۋ جانە وتكىزۋ جونىندەگى مەملەكەتتىك كوميسسيا قۇرۋ تۋرالى قاۋلىعا قول قويدى، دەپ حابارلايدى قازاقپارات اقورداعا سىلتەمە جاساپ. قازاقپارات قاۋلىنىڭ تولىق ءماتىنىن ۇسىنادى.

2020 جىلى  اباي قۇنانبايۇلىنىڭ 175 جىلدىق مەرەيتويىن جوعارى ۇيىمداستىرۋشىلىق  جانە مازمۇندىق دەڭگەيدە مەرەكەلەۋدى قامتاماسىز ەتۋ ماقساتىندا قاۋلى ەتەمىن:

1. اباي قۇنانبايۇلىنىڭ 175 جىلدىق مەرەيتويىن دايىنداۋ  جانە وتكىزۋ جونىندەگى مەملەكەتتىك كوميسسيا (بۇدان ءارى – مەملەكەتتىك كوميسسيا) قوسىمشاعا سايكەس قۇرىلسىن.

2. قازاقستان رەسپۋبليكاسىنىڭ مادەنيەت جانە سپورت مينيسترلىگى مەملەكەتتىك كوميسسيانىڭ جۇمىس ورگانى بولىپ بەلگىلەنسىن.

3. قازاقستان رەسپۋبليكاسىنىڭ ۇكىمەتى اباي قۇنانبايۇلىنىڭ 175 جىلدىق مەرەيتويىن دايىنداۋ جانە وتكىزۋ جونىندەگى جالپىرەسپۋبليكالىق جوسپاردىڭ جوباسىن مەملەكەتتىك  كوميسسيانىڭ   قاراۋىنا 2019 جىلعى 1 قازانعا دەيىن ەنگىزۋدى قامتاماسىز ەتسىن.

4. مەملەكەتتىك كوميسسيا: 1) اباي قۇنانبايۇلىنىڭ 175 جىلدىق مەرەيتويىن دايىنداۋ جانە وتكىزۋ جونىندەگى جالپىرەسپۋبليكالىق جوسپاردى 2019 جىلعى 1 قاراشاعا دەيىن بەكىتسىن; 2)  وسى جارلىقتى ىسكە اسىرۋ جونىندە وزگە دە شارالاردى قابىلداسىن.

5. «اباي قۇنانبايۇلىنىڭ 175 جىلدىق مەرەيتويىن مەرەكەلەۋ تۋرالى» قازاقستان  رەسپۋبليكاسى  پرەزيدەنتىنىڭ 2019 جىلعى 30 مامىرداعى № 55 جارلىعىنىڭ 1-تارماعى 1), 2) تارماقشالارىنىڭ كۇشى جويىلدى دەپ تانىلسىن.

6. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

7. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ        پرەزيدەنتى                           ق. توقاەۆ

نۇر-سۇلتان، اقوردا،

2019 جىلعى 26 تامىز

№ 134

سوڭعى جاڭالىقتار