26 تامىز 2019, 15:31 558 0 بيزنەس Túrkistan Gazeti

پاۆلودار وبلىسىنىڭ قالالارى مەن اۋداندارىندا شاعىن يندۋستريالدى ايماقتار قۇرىلادى

«ينۆەستورلار ۇيىندە» وتكەن كەڭەيتىلگەن وتىرىستا ايماق باسشىسى بولات باقاۋوۆ جەرگىلىكتى جەرلەردە شاعىن يندۋستريالىق ايماقتار قۇرۋ بويىنشا اكىمدەردىڭ ءالسىز جۇمىسىن اتاپ ءوتىپ، ماسەلەنى جىل سوڭىنا دەيىن شەشۋدى تاپسىردى. بۇل تۋرالى قازاقپارات pavlodarnews.kz سايتىنا سىلتەمە جاساپ.

وتكەن جۇمادا يندۋستريالدى دامۋ، شاعىن جانە ورتا بيزنەس ماسەلەلەرى بويىنشا القا ءماجىلىسى ءوتتى. يندۋستريالىق-يننوۆاتسيالىق دامۋ باسقارماسىنىڭ باسشىسى عانيبەت اۋباكىروۆ اتاپ وتكەندەي، بيىل پاۆلودار وبلىسىندا ءۇش ءىرى جوبا جۇزەگە اسىرىلادى. بۇل «ەۋروازياتتىق ەنەرگەتيكالىق كورپوراتسياسى» اق-نىڭ №5 ەنەرگوبلوعىن ىسكە قوسۋ، «بوگاتىر ينۆەست» جشس-دا تەمىر-بەتون بۇيىمدارىن دايىنداۋدى قولعا الۋ جانە  «پاۆلودار وزەن پورتى» اق-دا قۇم بلوگى ءوندىرىسىن ەنگىزۋ. سونىمەن قاتار، «پاۆلودار» ارنايى ەكونوميكالىق ايماعىندا جاڭا كاسىپورىندار سالۋ جۇمىستارى جۇرگىزىلۋدە.

ينۆەستورلاردى قولداۋ ماقساتىندا اەا اۋماعىندا ينفراقۇرىلىم تارتىلۋدا. «بيىلعى جىلى ارنايى ەكونوميكالىق ايماقتا ينجەنەرلىك كوممۋنيكاتسيالاردىڭ قۇرىلىسىنا 2,2 ميلليارد تەڭگە ءبولىندى. بۇل، ينفراقۇرىلىمعا قاتىستى بارلىق ماسەلەلەردى جابۋعا مۇمكىندىك بەرەدى. جالپى، سوڭعى ۋاقىتتا اەا-دا جۇمىس جولعا قويىلدى. ينۆەستورلارمەن بەلسەندى جۇمىس ىستەۋ قاجەت»، - دەدى پاۆلودار وبلىسىنىڭ اكىمى.

سونداي-اق، بولات باقاۋوۆ اكىمدەرگە ءار قالا مەن اۋداندا ينۆەستورلاردى تارتۋ ءۇشىن شاعىن يندۋستريالىق ايماقتار قۇرۋ تۋرالى تاپسىرما بەردى. ايماق باسشىسى بيلىك جۇمىسىنىڭ باستى مىندەتى كاسىپكەرلىكتى دامىتۋ جانە شاعىن جانە ورتا بيزنەستىڭ ەكونوميكالىق بەلسەندىلىگىن ارتتىرۋ ءۇشىن قولايلى جاعداي جاساۋ بولىپ تابىلاتىنىن ەسكە سالدى.

سوڭعى جاڭالىقتار