22 تامىز, 18:15 405 0 جاڭالىقتار Túrkistan Gazeti

نۇر-سۇلتان قالاسىندا 200 پەداگوگ جەتىسپەيدى

استانادا پەداگوگتار جەتىسپەۋشىلىگى ماسەلەسىن شەشۋ ءۇشىن قوسىمشا گرانتتار بولىنەدى، دەپ حابارلايدى قازاقپارات ءتىلشىسى.

«ەلوردادا شامامەن 200 پەداگوگ جەتىسپەيدى. بۇل تسيفردى قىسقارتۋ ءۇشىن جانە مۇعالىمدەردىڭ بىلىكتىلىگىن ارتتىرۋ ءۇشىن جۇمىس ىستەپ جاتىرمىز. ماسەلەن، پەداگوگيكالىق قۇرامدى ازىرلەۋ ءۇشىن مىڭنان استام گرانت بولدىك»، - دەدى ەلوردا اكىمى التاي كولگىنوۆ قازمەديا ورتالىعىندا وتكەن قر بعم پلەنارلىق وتىرىسىندا.

ونىڭ ايتۋىنشا، بۇل تۇلەكتەر ءۇش-ءتورت جىلدان كەيىن پەداگوگتار قاتارىن تولىقتىرادى. سونىمەن بىرگە، استانا اكىمدىگى مەن نازارباەۆ زياتكەرلىك مەكتەپتەرى اراسىندا پەداگوگتاردىڭ بىلىكتىلىگىن كوتەرۋ بويىنشا ۋاعدالاستىق بار.

«گۋمانيتارلىق كوللەدج بازاسىندا كوللەدجدەر مەن ۋنيۆەرسيتەتتەردىڭ ۇزدىكسىز ءبىلىم بەرۋ جۇيەسى قۇرىلعان. بۇل جىل سايىن جاڭا فورماتتاعى مىڭنان استام وقىتۋشىنى ازىرلەپ شىعارۋعا مۇمكىندىك بەرەدى. ونىڭ ۇستىنە، وزگە ەلدەرمەن سەرىكتەستىك ارقىلى فينليانديا، مالايزيا، قىتاي، رەسەي سىندى مەملەكەتتەردىڭ وقىتۋ تاجىريبەسىن ۇيرەنە الامىز»، - دەدى التاي كولگىنوۆ.

سوڭعى جاڭالىقتار