22 تامىز, 15:52 355 0 جاڭالىقتار Túrkistan Gazeti

رۋستام احمەتوۆ ۇەم باسەكەلەستىكتى قورعاۋ جانە دامىتۋ كوميتەتىنىڭ توراعاسى بولىپ تاعايىندالدى

قازاقستان رەسپۋبليكاسىنىڭ ۇلتتىق ەكونوميكا ءمينيسترىنىڭ بۇيرىعىمەن احمەتوۆ رۋستام نۇرلانۇلى قر ۇلتتىق ەكونوميكا مينيسترلىگىنىڭ باسەكەلەستىكتى قورعاۋ جانە دامىتۋ كوميتەتىنىڭ توراعاسى بولىپ تاعايىندالدى. بۇل تۋرالى primeminister.kz حابارلادى.

رۋستام احمەتوۆ 1978 جىلى 22 اقپاندا قاراعاندى وبلىسى تەمىرتاۋ قالاسىندا تۋعان. 1999 جىلى قازاق مەملەكەتتىك زاڭ ۋنيۆەرسيتەتىن بىتىرگەن.

ەڭبەك جولىن 1999 جىلى قر مەملەكەتتىك كىرىستەر مينيسترلىگىنىڭ كىنارات-قۋىنىم جۇمىسى ءبولىمىنىڭ جەتەكشى مامانى بولىپ باستادى. 2001 جىلى قازاقستان رەسپۋبليكاسى پرەزيدەنت اكىمشىلىگىنىڭ مەملەكەتتىك-قۇقىقتىق ءبولىمىنىڭ اعا رەفەرەنتى قىزمەتىنە قابىلداندى. ءتۇرلى جىلدارى قر پرەزيدەنت اكىمشىلىگىنىڭ مەملەكەتتىك-قۇقىقتىق ءبولىمىنىڭ كەڭەسشىسى، زاڭناما جانە قۇقىقتىق ساراپتاما ءبولىمىنىڭ باس ساراپشىسى، سەكتور مەڭگەرۋشىسى بولىپ جۇمىس ىستەدى. 2011 جىلى قازاقستان رەسپۋبليكاسى تابيعي مونوپوليالاردى رەتتەۋ اگەنتتىگىنىڭ جاۋاپتى حاتشىسى قىزمەتىنە تاعايىندالدى. 2014 جىلدىڭ تامىز ايىنان 2017 جىلدىڭ ءساۋىر ايىنىڭ ارالىعىندا قر ۇەم تابيعي مونوپوليالاردى رەتتەۋ جانە باسەكەلەستىكتى قورعاۋ كوميتەتى توراعاسىنىڭ ورىنباسارى بولدى.

2017 جىلعى ءساۋىر ايىنان قازىرگە دەيىن قر ۇلتتىق ەكونوميكا مينيسترلىگىنىڭ تابيعي رەسۋرستاردى رەتتەۋ، باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتى توراعاسىنىڭ ورىنباسارى لاۋازىمىن اتقاردى.

سوڭعى جاڭالىقتار