21 تامىز, 21:45 433 0 ىشكى ساياسات Túrkistan Gazeti

ايدا بالاەۆا: «Nur Otan» حالىقپەن جۇمىسىن كۇشەيتۋى ءتيىس

«Nur Otan» حالىقپەن جۇمىسىن كۇشەيتۋى ءتيىس. مۇنداي پىكىردى قازاقستان رەسپۋبليكاسى پرەزيدەنتىنىڭ كومەكشىسى – قازاقستان رەسپۋبليكاسى پرەزيدەنتى اكىمشىلىگىنىڭ وتىنىشتەردى قاراۋدى باقىلاۋ ءبولىمىنىڭ مەڭگەرۋشىسى ايدا بالاەۆا Facebook-تەگى پاراقشاسىندا بىلدىردى، دەپ حابارلايدى قازاقپارات.

«ەلباسىنىڭ «Nur Otan» پارتياسى ساياسي كەڭەسىندەگى سويلەگەن ءسوزىن زور ىقىلاسپەن تىڭدادىم. ادەتتەگىدەي پارتيا كوشباسشىسى تولىقتاي العاندا اپپاراتقا دا، ءاربىر پارتيالىققا دا قاتىستى بار وزەكتى كۇنتارتىپ پەن اسا ماڭىزدى مىندەتتەردى وتە ناقتى ايقىنداپ بەردى. باستى مەسسەندج - بەلسەندى مۇشەلەرى مەن جاقتاستارىنا ارقا سۇيەيتىن مىقتى پارتيا. بۇل ءۇشىن پارلامەنتتەگى پارتيالىق فراكتسيا كۇشەيتىلىپ، جۇمىستىڭ جاڭا فورماتا بەلسەندى تۇردە ىلگەرلەتىلەتىن بولادى»، - دەدى ول.

وسى ورايدا، ايدا بالاەۆا ەلباسىمىزدىڭ پارتيا اشىق، ادامداردىڭ سەنىمىن تۋدىراتىن جانە قوعاممەن ۇنەمى ديالوگقا باعدارلانعان بولۋى تيىستىگىن اتاپ وتكەنىن ەسكە سالدى. «كوپ جاعدايدا بۇل مىندەتتەر مەنىڭ بۇگىنگى جۇمىسىمدا كورىنىس تاۋىپ جاتادى. جاڭا قىزمەتكە تاعايىندالعان ساتتەن باستاپ ازاماتتاردى تۇراقتى نەگىزدە ءوزىم قابىلدايمىن. كوپ جاعدايدا ادامدارعا بەلگىلى ءبىر كۇردەلى جاعدايدا قالاي دۇرىس قادام جاساۋ كەرەكتىگىن تەك ءتۇسىندىرۋ عانا قاجەت. ساياسي كەڭەس مۇشەسى رەتىندە پارتيا مەملەكەتتىك ساياساتتىڭ وزەكتى باعىتتارىن ءتۇسىندىرۋ، ازاماتتاردىڭ قۇقىقتىق ساۋاتتىلىعىن قالىپتاستىرۋ تۇرعىسىنان حالىقپەن جۇمىسىن كۇشەيتۋ قاجەت دەپ ەسەپتەيمىن»، - دەدى ا.بالاەۆا.

ونىڭ پايىمىنشا، مەملەكەتتىڭ الەۋمەتتىك باعدارلانعاندىعىنا قاراماستان الەۋمەتتىك ماسىلدىق ءۇشىن جاعداي جاساۋعا جول بەرۋگە بولمايدى. «ازاماتتاردىڭ ءال-اۋقاتى مەن ەل ەكونوميكاسىنىڭ دامۋى باسىم مىندەت بولۋى ءتيىس. بۇگىن ەلباسى دا بارلىق پارتيالاستارىن ءدال وسىعان ۇندەدى»، - دەدى ول. ەستەرىڭىزگە سالا كەتسەك، بۇگىن ەلورداداعى «نازارباەۆ ورتالىعىندا» قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ توراعالىعىمەن وتكەن «Nur Otan» پارتياسى ساياسي كەڭەسىنىڭ كەڭەيتىلگەن وتىرىسىنا مەملەكەت باسشىسى قاسىم-جومارت توقاەۆ، پرەمەر-مينيستر اسقار مامين، سەنات توراعاسى داريعا نازارباەۆا، ءماجىلىس سپيكەرى نۇرلان نىعماتۋلين، ۇكىمەت مۇشەلەرى، پارتيانىڭ ماجىلىستەگى فراكتسياسى، وبلىستارداعى فيليالداردىڭ جەتەكشىلەرى قاتىستى.

وتىرىس بارىسىندا پارتيانىڭ سايلاۋالدى باعدارلاماسىنىڭ جۇزەگە اسىرىلۋ بارىسى مەن سەزد شەشىمدەرىنىڭ ورىندالۋى، پارتيالىق قايتا سەرپىلتۋدىڭ نەگىزگى باعىتتارى جانە ساياسي كەڭەس بيۋروسى قۇرامىن وزگەرتۋ ماسەلەسى قارالدى. ەلباسى كوپتىڭ كوڭىلىن كۇپتى ەتكەن كەزەكتەن تىس ءماجىلىس سايلاۋى، «Nur Otan-نانمىن» دەۋدەن بۇقپانتايلايتىن شەنەۋنىكتەر، ەلىمىزدىڭ جوعارى وقۋ ورىندارىن جايلاعان پاراقورلىق، ەل ەكونوميكاسىن كوتەرۋ، جاستار ماسەلەسى، اۋىلداردى كوركەيتۋ، پارتيا فراكتسياسىنىڭ جۇمىسىن جانداندىرۋ جايىندا كەڭىنەن سوز قوزعادى.

سوڭعى جاڭالىقتار