21 تامىز, 09:23 339 0 ايماق Túrkistan Gazeti

جامبىل وبلىسىندا جىل باسىنان بەرى دىنمەن بايلانىستى 34 قۇقىقبۇزۋشىلىق انىقتالدى

جىل باسىنان بەرى جامبىل وبلىسىنىڭ پوليتسەيلەرى ءدىني سالاداعى 34 اكىمشىلىك قۇقىقبۇزۋشىلىقتى انىقتادى. سونىڭ ىشىندە 16 دەرەك ىرگەلەس مەملەكەت ازاماتتارىنىڭ قر اۋماعىنا تىيىم سالىنعان ەكسترەميستىك ادەبيەتتى زاڭسىز كىرگىزۋىمەن بايلانىستى، دەپ حابارلايدى قازاقپارات جامبىل وبلىسى پوليتسيا دەپارتامەنتىنىڭ باسپاسوز قىزمەتىنە سىلتەمە جاساپ.

وبلىستىڭ پوليتسيا دەپارتامەنتى قر ۇقك شەكارا قىزمەتىمەن بىرلەسىپ قر اۋماعىنا قازاقستاندىق سوت تىيىم سالعان ءدىني مازمۇنداعى ادەبيەتتى كىرگىزۋ دەرەكتەرىن انىقتاۋ بويىنشا تۇراقتى تۇردە شارالار وتكىزەدى. ەكسترەميستىك سيپاتتاعى بارلىعى 27 كىتاپ الىندى، قر اقبتك 453 بابى (قر اۋماعىنا تىيىم سالىنعان ەكسترەميستىك ادەبيەتتى كىرگىزۋ) بويىنشا قىرعىزستان رەسپۋبليكاسىنىڭ 14 ازاماتى، رەسەيدىڭ ءبىر جانە وزبەكستاننىڭ ءبىر ازاماتى اكىمشىلىككە جاۋاپقا تارتىلدى. 800 مىڭ تەڭگەدەن استام ايىپپۇل سالىندى. مىسالى، ەكسترەميزگە قارسى ءىس-قيمىل باسقارماسىنىڭ قىزمەتكەرلەرى ەلىمىزدىڭ اۋماعىنا كىرمەك بولعان قىرعىزستاننىڭ 52 جاستاعى ازاماتشاسى ۇستالدى. ودان ەكسترەميستىك مازمۇنداعى ادەبيەت تابىلدى. اتالمىش دەرەك بويىنشا ەكسترەميزگە قارسى ءىس-قيمىل باسقارماسىنىڭ قىزمەتكەرلەرى قر اقبتك 453 بابىنا سايكەس حاتتاما تولتىردى، ال مەركى اۋدانىنىڭ سوتى كورشىلەس ەلدىڭ ازاماتشاسىنا 20 اەك كولەمىندە ايىپپۇل سالدى.

سوڭعى جاڭالىقتار