20 تامىز, 20:46 334 0 سپورت Túrkistan Gazeti

ەرمەك مارجىقپاەۆ 19 جاستاعى فۋتبولشىنىڭ ءولىمىن جەكە باقىلاۋىنا الدى

اقمولا وبلىسىنىڭ اكىمى ەرمەك مارجىقپاەۆ كوز جۇمعان 19 جاستاعى فۋتبولشى رومان ءزيۋزيننىڭ وتباسىنا كوڭىل ايتىپ، بۇل ءىستى جەكە باقىلاۋىنا الاتىنىن ايتتى، دەپ حابارلايدى «قازاقپارات» حاا ءتىلشىسى.

«بىرىنشىدەن، روماننىڭ اتا-اناسىنا قايعىرىپ، كوڭىل ايتامىن. ەكىنشىدەن، بولەك كوميسسيا قىزمەتتىك تەرگەۋ جۇرگىزەتىن بولادى. ماسەلەنى جەكە باقىلاۋىما الامىن»، - دەپ جازدى ەرمەك مارجىقپاەۆ Instagram-دا. ەسكە سالا كەتەيىك، «وقجەتپەس» كومانداسىنىڭ قۇرامىندا ويناعان 19 جاستاعى فۋتبولشى 14 تامىز كۇنى كوكشەتاۋدا كوز جۇمدى. دارىگەرلەر ونىڭ ءولىمىنىڭ سەبەبىن «اۋرۋحاناعا كەش قارالۋ، سەپسيستىك جاعدايمەن اسقىنا تۇسكەن ءىرىڭدى قابىنۋ پروتسەسى» دەپ اتادى.

كەيىن رومان ءزيۋزيننىڭ تۋعان-تۋىستارى الەۋمەتتىك جەلى ارقىلى ەم-دومنىڭ دۇرىس جۇرگىزىلمەگەندىگىنە قوعامنىڭ نازارىن اۋدارتپاق بولدى. اقمولا وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي، فۋتبولشىنىڭ اتا-اناسىنىڭ الەۋمەتتىك جەلىدەگى جازباسى بويىنشا «مەديتسينالىق نەمەسە فارماتسەۆتيكالىق قىزمەتكەردىڭ ءوز كاسىبي مىندەتىن دۇرىس ورىنداماۋى» بابىمەن سوتقا دەيىنگى تەرگەپ-تەكسەرۋ امالدارى باستالدى.

سوڭعى جاڭالىقتار