20 تامىز, 16:24 324 0 الەۋمەت Túrkistan Gazeti

پەتروپاۆلدا تاكسيست پەن جولاۋشى توبەلەسىپ قالدى

پەتروپاۆلدا تاكسي جۇرگىزۋشىسى مەن جولاۋشى اراسىندا جانجال بولدى، دەپ حابارلايدى قازاقپارات.

سولتۇستىك قازاقستان وبلىسى پوليتسيا دەپارتامەنتى ءباسپاسوز قىزمەتىندەگىلەر 58 جاستاعى تاكسي جۇرگىزۋشىسى مەن 44 جاستاعى جولاۋشى اراسىندا كيكىلجىڭ بولعانىن راستادى. «پەتروپاۆل قالاسىنىڭ پوليتسيا باسقارماسىنا توبەلەس تۋرالى قوڭىراۋ تۇسكەن. وقيعانىڭ ءمان-جايىن انىقتاۋ بارىسىندا تاكسي جۇرگىزۋشىسى مەن جولاۋشى اراسىندا جانجال تۋىنداعانى بەلگىلى بولدى. جولاۋشى سوت-مەديتسينالىق ساراپتامادان وتۋگە جىبەرىلدى. ساراپتاما ناتيجەسى بەلگىلى بولعاننان كەيىن پوليتسەيلەر پروتسەسسۋالدىق شەشىم قابىلدايدى»، - دەدى ءباسپاسوز قىزمەتىنەن.

سوڭعى جاڭالىقتار