19 تامىز, 19:01 246 0 جاڭالىقتار Túrkistan Gazeti

ارىس: قالالىق اۋرۋحانا ءوز جۇمىسىن قايتا جالعاستىردى

ارىس قالالىق ورتالىق اۋرۋحاناسىندا كۇردەلى جوندەۋ جۇمىستارى اياقتالدى. اپاتتان كەيىن تولىق جوندەۋدەن وتكەن اۋرۋحانادا زاماناۋي «ترياج جۇيەسى» ىسكە قوسىلىپ، مەديتسينالىق اقپاراتتىق جۇيەمەن قامتىلدى. ارنايى قىزىل، سارى، جاسىل ءتۇستى باعىتتارعا ارنالعان پرينتەرلەرمەن جابدىقتالىپ، ەلەكتروندىق قولتاڭبالار ورناتىلدى. بۇل تۋرالى ەگەمەن قازاقستان حابارلادى. 

جۋىردا ارىس قالاسىندا بولعان پرەمەر-مينيستر اسقار مامين  قالالىق ورتالىق اۋرۋحانانىڭ جۇمىسىمەن تانىسىپ، تۇركىستان وبلىستىق قوعامدىق دەنساۋلىق باسقارماسىنىڭ باسشىسى مۇقان ەگىزباەۆتىڭ ەڭبەگىنە جوعارى باعا بەردى. كۇردەلى جوندەۋ جۇمىستارىنىڭ ساپاسىنا اسا ءمان بەرگەن ۇكىمەت باسشىسى، اۋرۋحانانىڭ مەديتسينالىق قوندىرعىلارمەن تولىق جابدىقتالعانىن اتاپ ءوتتى. قارقىندى دا قاجىرلى ەڭبەكتىڭ ارقاسىندا اياقتالعان اۋقىمدى ءىستىڭ حالىق يگىلىگى ءۇشىن جاسالعانىن ايتا كەلە، قىزمەت كورسەتۋ ساپاسىن دا ارتتىرۋدى تاپسىردى.

ايتا كەتەلىك، ارىس قالاسىندا توتەنشە جاعداي سالدارىنان 1989 جىلى سالىنعان اۋرۋحانا جارتىلاي زاقىمدانىپ، جارىلۋ تولقىنىنان تەرەزەلەر سىنعان، شاتىردىڭ كونسترۋكتسياسى، ىشكى جانە سىرتقى ەسىكتەرى، ءۇي-جايدىڭ ءىشى بۇلىنگەن بولاتىن. اسىرەسە، مەديتسينالىق قوندىرعىلار قاتتى زاقىمدانعان-دى. وبلىستىق قوعامدىق دەنساۋلىق باسقارماسىنىڭ ۇيىمداستىرۋىمەن بارلىق قوندىرعىلار ارنايى تەكسەرۋدەن ءوتىپ، قاجەتتىلەرى جاڭارتىلعان قالالىق اۋرۋحانا 200-دەن استام ناۋقاستى قابىلداۋعا قاۋقارلى.

سوڭعى جاڭالىقتار