19 تامىز, 19:00 241 0 الەۋمەت Túrkistan Gazeti

ءماجىلىس دەپۋتاتتارى مەملەكەتتىك الەۋمەتتىك سالانى قولداۋدى نازارعا الدى

بۇگىن ءماجىلىس دەپۋتاتى زاعيپا باليەۆا الماتى قالاسىنا جۇمىس ساپارى اياسىندا  ەرتە بالالاردى وڭالتۋ ورتالىعىنا بارىپ، ونداعى ەڭبەك ۇجىمىمەن كەزدەستى. بۇل تۋرالى ءماجىلىستىڭ ءباسپاسوز قىزمەتى حابارلادى. 

كەزدەسۋ بارىسىندا ءماجىلىستىڭ نەگىزگى زاڭ شىعارۋشىلىق قىزمەتى، مەملەكەتتىك باعدارلامالاردىڭ ىسكە اسۋى جايى باياندالىپ، مىندەتتى الەۋمەتتىك ساقتاندىرۋعا قاتىستى ماسەلەلەر كوتەرىلدى.

ءىس-شاراعا الماتى قالاسى قوعامدىق دەنساۋلىق ساقتاۋ باسقارماسىنىڭ باسشىلارى مەن قالالىق ءماسليحات دەپۋتاتتارى، پارتيانىڭ قالالىق فيليالىنىڭ وكىلدەرى جانە ت.ب. قاتىستى.

ۇيىم قىزمەتكەرلەرى ءوز تاراپىنان دەنساۋلىق ساقتاۋ سالاسىنداعى اقپاراتتىق جۇيەلەر، قوعامدىق كولىك ماسەلەسى، باسپانامەن قامتاماسىز ەتۋ جانە جالاقى ماسەلەسىنە قاتىستى ساۋالدارىن قويدى.

«جۇمىس ساپارى اياسىندا ءبىز بالالاردى ەرتە وڭالتۋ ورتالىعىنا كەلدىك. بۇل وڭالتۋ ورتالىعى بالالارىمىزعا وتە قاجەت. الماتىنىڭ وزىندە وسىنداي ءتورت ورتالىق بار. سۇراقتاردى «Nur Otan» پارتياسىمەن بىرلەسە قاراستىرىپ، ورتالىق اپپاراتقا جولدايمىز جانە ماجىلىستە، ۇكىمەت اياسىندا كوتەرەمىز. ورتالىقتا 65 بالا بار، جاعدايلارى جاقسى. مىندەتتى تۇردە تەك قانا قالادا ەمەس، ايماقتارعا دا بارىپ ءجۇرمىز. سايلاۋشىلارعا بارعان كەزدە ءتۇرلى سۇراقتار تۋىندايدى. اسىرەسە، الەۋمەتتىك تولەمدەر، جەر، باسپانا ماسەلەسى كوتەرىلەدى. بىلتىر دەنساۋلىق سالاسىندا جالاقى 30 %-عا كوتەرىلدى. ەندى مۇعالىمدەرگە جاعداي جاسالىپ جاتىر. ولاردىڭ جالاقىسى 4 جىلدىڭ ىشىندە ەكى ەسەگە كوتەرىلەتىن بولادى»، دەپ اتاپ ءوتتى ز. باليەۆا.

سونداي-اق، كەزدەسۋدە بالالاردىڭ كەشەندى كومەك الۋعا مۇمكىندىگى بولۋى ءۇشىن وسىنداي ورتالىقتاردىڭ كوپسالالىق باعىتقا اۋىسۋى قاجەت ەكەندىگى اتالىپ ءوتىلدى.

كەزدەسۋ سوڭىندا الماتى قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ا.بيسەنباەۆا جانە ورتالىق ديرەكتورى ن.تولەكوۆا ۇجىم اتىنان ز.باليەۆاعا ورتالىققا كەلىپ، الەۋمەتتىك جانە دەنساۋلىق ساقتاۋ سالالارىنداعى رەفورمالاردى تۇسىندىرگەنى ءۇشىن العىسىن ءبىلدىردى.

ايتا كەتۋ كەرەك، ورتالىق 75 بالاعا ارنالعان. بالالار 15 كۇننەن ەم الىپ، وعان 3-تەن 7 جاسقا دەيىنگى بالالار قابىلدانادى. ورتالىقتا مەديتسينالىق قىزمەتكەرلەردەن باسقا بالالارمەن ۇستازدار، لوگوپەدتەر مەن پسيحولوگتار جۇمىس ىستەيدى.  سونىمەن قاتار، ورتالىقتا ارنايى سەنسورلى بولمەدە سويلەۋ قابىلەتى تومەن بالالارعا جەكە جانە توپتىق ساباقتار ۇيىمداستىرىلادى.

سوڭعى جاڭالىقتار