20 تامىز, 10:55 326 0 جاڭالىقتار ءTúrkىstan International Political Weekly

بەردىبەك ساپارباەۆ پرەمەر-ءمينيستردىڭ ورىنباسارى لاۋازىمىنا تاعايىندالدى

بەردىبەك ساپارباەۆ پرەمەر-ءمينيستردىڭ ورىنباسارى بولىپ تاعايىندالدى.

وسىعان دەيىن بەردىبەك ساپارباەۆ ەڭبەك جانە حالىقتى الەۋمەتتىك قورعاۋ ءمينيسترى بولعان ەدى.

"بەردىبەك ماشبەكۇلى ساپارباەۆ قازاقستان رەسپۋبليكاسى پرەمەر-ءمينيسترىنىڭ ورىنباسارى بولىپ تاعايىندالسىن، ول قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى قىزمەتىنەن بوساتىلسىن", - دەلىنگەن اقوردانىڭ حابارلاماسىندا.

ول 1953 جىلى قىزىلوردا وبلىسىنىڭ جاڭاقورعان اۋدانىنداعى بەسارىق اۋىلىندا تۋعان. ەڭبەك جولىن قىزىلوردا وبلىسىنىڭ زاداريا كەڭشارىندا جۇمىسشىسى بولىپ باستادى.

جوعارى وقۋ ورنىن اياقتاعاننان كەيىن مەملەكەتتىك ەڭبەك جيناق كاسسالارى رەسپۋبليكالىق باسقارماسىندا ەكونوميست، قازاق كسر-ءى قارجى مينيسترلىگىندە ەكونوميست بولىپ قىزمەت اتقاردى.

قازاقستان رەسپۋبليكاسى ءبىلىم ءمينيسترىنىڭ ورىنباسارى بولدى، قر پرەزيدەنتى اپپاراتىندا جانە مينيسترلەر كابينەتىندە جۇمىس ىستەدى.

1995-1999 جىلدارى قىزىلوردا وبلىسىنىڭ اكىمى، 1999-2002 جىلدارى وڭتۇستىك قازاقستان وبلىسىنىڭ اكىمى بولدى.

قر كەدەندىك باقىلاۋ اگەنتتىگىنىڭ توراعاسى، قارجى ۆيتسە-ءمينيسترى - قر قارجى مينيسترلىگىنىڭ كەدەندىك باقىلاۋ كوميتەتىنىڭ توراعاسى (2002-2006), قر پرەمەر-مينيستر كەڭسەسى جەتەكشىسىنىڭ ورىنباسارى - قر پارلامەنتى ماجىلىسىندەگى ۇكىمەتتىڭ وكىلى (2006-2007), قر ەكونوميكا جانە بيۋدجەتتىك جوسپارلاۋ ۆيتسە-ءمينيسترى قىزمەتتەرىن اتقاردى.

سوڭعى جاڭالىقتار