19 تامىز, 10:38 277 0 ايماق ءTúrkىstan International Political Weekly

تۇركىستاندا شىعىستىق ۇلگىدەگى اۆتوبەكەت اشىلدى

تۇركىستان وبلىسىنا كەزەكتى ىسساپارىمەن كەلگەن ۇكىمەت باسشىسى اسقار مامين باستاعان جۇمىس توبى ەڭ الدىمەن تۇركىستان قالاسىنداعى حالىقارالىق اۆتوبەكەتتىڭ اشىلۋ راسىمىنە قاتىستى. وعان قر پرەمەر-ءمينيسترى ا. مامين، تۇركىستان وبلىسىنىڭ اكىمى ءو.شوكەەۆ، باق وكىلدەرى قاتىستى. اسقار مامين حالىقارالىق اۆتوبەكەتتىڭ  اشىلۋىمەن قۇتتىقتاپ، يگى لەبىزىن ءبىلدىردى. كەيىننەن قر پرەمەر-ءمينيسترى ا.مامين مەن تۇركىستان وبلىسىنىڭ اكىمى ءو.شوكەەۆ سالتاناتتى جاعدايدا لەنتانى قيدى.

تۇركىستان قالاسىندا سالىنعان اۆتوۆوكزالعا تاپسىرىس بەرۋشى «قاسيەت ترانزيت سەرۆيس» جشس.  مەردىگەر مەكەمە – «يۋگسترويكونسترۋكتسيا» جشس. نىساننىڭ قۇرىلىسى بيىل، ياعني 2019 جىلدىڭ ءساۋىر ايىندا باستالىپ، 2019 جىلدىڭ تامىز ايىندا قۇرىلىس جۇمىستارى اياقتالىپ، حالىق يگىلىگىنە پايدالانۋعا بەرىلدى.  حالىقارالىق اۆتوبەكەت كەنتاۋ قالاسىنا قاراستى شاعا اۋىلىندا ورنالاسقان. شىعىس ۇلگىسىندە سالىنىپ جاتقان نىساننىڭ جالپى اۋماعى  2,4 گا قۇرايدى. جوسپارعا ساي، 600 اۆتوبۋسقا ارنايى 15 تۇراق قاراستىرىلعان.

تاۋلىگىنە 10-مىڭ ادامعا دەيىن قىزمەت كورسەتە الادى. ەلىمىزدىڭ   الماتى، نۇر-سۇلتان   سەكىلدى باعىتتارىمەن قاتار، وبلىستىڭ وزگەدە اۋدان قالالارىنا جۇرگىزىلەتىن بولادى. نىساننىڭ ىشىندە انا مەن بالا بولمەسى، كۇتۋ زالى، اسحانا، تىنىعاتىن ورىندارمەن قامتىلعان. سونداي-اق اۆتوۆوكزال اۋماعىندا بارلىق ستاندارتقا ساي اۆتوكولىك جۋ ورنى، تەحنيكالىق قىزمەت كورسەتۋ ورىندارى اشىلۋ جوسپارلانىپ وتىر.

سوڭعى جاڭالىقتار