16 تامىز, 12:30 404 0 ءبىلىم Túrkistan Gazeti

مۇعالىم ەڭبەگىن لايىقتى باعالاۋ – وتە ماڭىزدى مىندەت - ق.توقاەۆ

بۇل تۋرالى تامىز كونفەرەنتسياسىندا مەملەكەت باسشىسى قاسىم-جومارت توقاەۆ ايتتى.

«داستۇرگە اينالعان تامىز كونفەرەنتسياسى – ۇستازدار قاۋىمى باس قوساتىن اۋقىمدى ءارى ماڭىزدى جيىن. ءار ادام قانداي جەتىستىككە جەتسە دە ءبىلىم بەرگەن ۇستازدارىنىڭ ەرەكشە قادىرلەيدى. ەلباسىمىز نۇرسۇلتان ءابىشۇلى نازارباەۆتىڭ مارتەبەلى ماماندىق يەلەرىنە دەگەن ىقىلاسى ەرەكشە ەكەنىن وزدەرىڭىز جاقسى بىلەسىزدەر. مەندە بۇگىن سىزدەرمەن كەزدەسۋ ءۇشىن وسى جيىنعا ارنايى كەلىپ وتىرمىن»، دەدى قاسىم-جومارت توقاەۆ.

سونداي-اق پرەزيدەنت ۇلاعاتتى ۇرپاق تاربيەلەۋ اسا جاۋاپتى ءارى كۇردەلى مىندەت ەكەنىن ايتىپ ءوتتى.

«سىزدەردىڭ ارقالارىڭىزدا تۇتاس ءبىر بۋىننىڭ قۇندىلىقتارى مەن قاسيەتتەرى قالىپتاسادى. «ۇستازى جاقسىنىڭ ۇستانىمى جاقسى» دەگەن حالقىمىز. ۇستازسىز ادام بولمايدى. ءبارىمىز دە كەزىندە مۇعالىم ءتالىمىن الىپ، ءبىلىمىن ۇيرەندىك. سوندىقتان بولاشاققا جول سىلتەيتىن مۇعالىم ەڭبەگىن لايىقتى باعالاۋ - وتە ماڭىزدى مىندەت«، دەدى ق.توقاەۆ.

سوڭعى جاڭالىقتار