16 تامىز, 09:59 318 0 ءبىلىم Túrkistan Gazeti

سقو-دا ماگيستراتۋراعا تۇسكەندەردىڭ تەڭ جارتىسى شەكتى بالدى جيناي المادى

سولتۇستىك قازاقستان وبلىسىندا بيىل ماگيستراتۋراعا تۇسۋگە ءوتىنىش بەرگەندەردىڭ تەڭ جارتىسىنا جۋىعى شەكتى 75 بالدى جيناي المادى، دەپ حابارلايدى قازاقپارات.

م.قوزىباەۆ اتىنداعى سقمۋ-دا ماگيستراتۋراعا ءتۇسۋ ەمتيحاندارى اياقتالدى. ۇمىتكەرلەر كەشەندى تەستىلەۋدەن 10-14 تامىز ارالىعىندا ءوتتى. بيىل وقۋدى جالعاستىرۋعا 366 سولتۇستىكقازاقستاندىق تىلەك بىلدىرگەن. جوعارى وقۋ ورنى وكىلدەرىنىڭ ايتۋىنشا، ەمتيحاندى وبەكتيۆتى وتكىزۋ ءۇشىن مەتالل دەتەكتورلارى مەن ۇيالى تەلەفون سيگنالدارىن باساتىن قۇرالدار قولدانىلدى. كەشەندى تەست تاپسىراتىن بارلىق اۋديتوريالار دىبىستىق جانە بەينەجازبامەن جابدىقتالدى.

سونىمەن قاتار، ونلاين-ترانسلياتسيا ارقىلى تەستىلەۋدى قر ءبىلىم جانە عىلىم مينيسترلىگىنىڭ وكىلدەرى، جۇرتشىلىق جانە «قىزىلجار - ادالدىق الاڭى» ايماقتىق جوبالىق كەڭسەسىنىڭ وكىلدەرى باقىلادى. ماگيستراتۋراعا تۇسۋگە ءوتىنىش بەرگەندەردىڭ 19-ى ەمتيحانعا كەلمەدى. كەشەندى تەستىلەۋدىڭ تالاپتارىن بۇزعانى ءۇشىن 17 ۇمىتكەردىڭ ناتيجەسى جويىلدى. ناتيجەسىندە، 347 ۇمىتكەردىڭ 27-ءسى 100-دەن جوعارى، 138 تالاپكەر 75-تەن جوعارى بالل جينادى. ال ءوڭىر بويىنشا ورتاشا بالل 75 بالدى قۇرادى. «جالپى بيىل ۇمىتكەرلەردىڭ اراسىندا اسا سۇرانىسقا يە بولىپ جاتقان ماماندىقتار بۇل – فيلولوگيا، وعان 366 تالاپكەردىڭ اراسىنان 33 ادام نيەت ءبىلدىردى. دەنە شىنىقتىرۋ ماماندىعىنا - 17, تاريح جانە ارحەولوگياعا 14 ادام قۇجاتتارىن تاپسىردى. ال قالعان پاندەر بويىنشا تاپسىرعانداردىڭ ورتاشا سانى 7 – 8 شاماسىندا»، - دەيدى قابىلداۋ كوميسسياسى جاۋاپتى حاتشىسىنىڭ ورىنباسارى الماز كەنجەعالين.

سوڭعى جاڭالىقتار