15 تامىز, 16:48 353 0 سپورت Túrkistan Gazeti

توكيو وليمپياداسى: التىنعا باستى ۇمىتكەرلەر اتالدى

مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ كوميتەتىنىڭ توراعاسى سەرىك ساپيەۆ ءحححىى جازعى توكيو وليمپياداسىندا قازاقستاندىق سپورتشىلاردان بولجام بويىنشا 10 مەدال كۇتىلىپ وتىرعانىن جاريا ەتتى، دەپ حابارلايدى قازاقپارات ءتىلشىسى.

«وليمپيادا ويىندارىنا دايىندىق جوسپار بويىنشا ءجۇرىپ جاتىر. قازىرگى تاڭدا سپورتتىڭ 6 ءتۇرى بويىنشا 10 ليتسەنزيا قولدا بار. كوميتەتكە ءبىزدىڭ ۇلتتىق قۇرامالاردى دايىنداۋ بويىنشا تاپسىرما بەرىپ جاتىرمىز. بارلىق ليتسەنزيالىق سايىستار جوسپاردا. ريوداعى وليمپيادا دەڭگەيىندەگىدەي جەتىستىكتى تومەندەتپەۋىمىز كەرەك. مەنىڭ ويىمشا، قازاقستاننىڭ سپورتشىلارى 10 مەدال الادى. ۇشەۋى التىن بولسا دەگەن ماقسات بار. التىن الاتىنداردىڭ قاتارىنا - دميتري بالاندين، ەلدوس سمەتوۆ پەن ولگا رىپاكوۆانى جاتقىزار ەدىم»، - دەدى ول.

ايتا كەتسەك، بۇعان دەيىن مادەنيەت جانە سپورت ءمينيسترى اقتوتى رايىمقۇلوۆا 2020 جىلى توكيودا وتەتىن 32-ءشى جازعى وليمپيادا ويىندارىنا دايىندىق قالاي ءجۇرىپ جاتقانىن جەتكىزگەن بولاتىن. ونىڭ ايتۋىنشا، ليتسەنزيا تاراتىلار الدا 50 ءىرى سپورتتىق سايىس بار.

ەسكە سالار بولساق، قازاقستان قۇراماسى ريو-دە-جانەيرودا وتكەن XXحI وليمپيادا ويىندارىندا 3 التىن، 5 كۇمىس جانە 9 قولا مەدال يەلەنگەن بولاتىن. قازىرگى ۋاقىتتا جەڭىل اتلەتيكادان گەورگي شەيكو مەن ولگا رىپاكوۆادا، ۆەلوشوسسەدەن ەۆگەني گيديچتە، جۇزۋدەن دميتري بالانديندە (ەكەۋ), اشىق سۋدا جۇزۋدەن ۆيتالي حۋدياكوۆتا، ساداقپەن اتۋدان سانجار مۇساەۆتا، دەنيس گانكين مەن ريفات ابدۋلليندە وليمپيادا ويىندارىنىڭ ليتسەنزياسى بار.

سوڭعى جاڭالىقتار