14 تامىز 2019, 17:51 565 0 بيزنەس Túrkistan Gazeti

قاڭتار-شىلدەدە قازاقستاننىڭ نەگىزگى كاپيتالىنا سالىنعان ينۆەستيتسيا كولەمى 11,3% ارتتى

قازاقستاندا نەگىزگى كاپيتالعا سالىنعان ينۆەستيتسيالاردىڭ كولەمى 2019 جىلدىڭ قاڭتار-شىلدە ايلارىندا 6 347,9 ملرد تەڭگەنى قۇرادى. بۇل 2018 جىلدىڭ ۇقساس كەزەڭىمەن سالىستىرعاندا 11,3% ارتىق، دەپ حابارلايدى قازاقپارات

ەسەپتىك كەزەڭدەگى ينۆەستيتسيالاردىڭ نەگىزگى كوزدەرى شارۋاشىلىق سۋبەكتىلەرىنىڭ مەنشىكتى قاراجاتى بولىپ وتىر. ونىڭ كولەمى – 5 245,14 ملرد تەڭگە. نەگىزگى كاپيتالعا سالىنعان ينۆەستيتسيا كولەمىندە ءارتۇرلى شىعىندارعا باعىتتالعان ينۆەستيتسيالىق سالىمدار 20,3% ارتقان. نەگىزگى كاپيتالعا سالىنعان ينۆەستيتسيالاردىڭ نەگىزگى ۇلەسىن قاڭتار-مامىر ايلارىندا تاۋ-كەن ءوندىرۋ ونەركاسىبى مەن كارەرلەردى قازۋ (50,4%), جىلجىمايتىن مۇلىكپەن وپەراتسيالار (13,3%), تاسىمالداۋ جانە قويمالاۋ (8,2%) قۇرادى. ءىرى كاسىپورىندار ينۆەستيتسيالارىنىڭ كولەمى 3 675,5 ملرد. تەڭگەنى قۇرادى.

سوڭعى جاڭالىقتار